1. Σο αβέλα τουμαρέ γκοντιάτε κάνα σκεφτίνενα ι Ιεχωβάς;

 ΠΡΟΣΠΑΘΙΝΤΕΝ ποτές τι ανέν τουμαρέ γκοντιάτε σαρ ισί ο Ιεχωβά; Κάνα κερένα λέσαρ λάφι αντράλ κατά προσευχή, σο αβέλα τουμαρέ γκοντιάτε; Παρόλο σο ο Ιεχωβά να ντικχίντιβελα, η Αγία Γραφή σικαβέλα-λες με διάφορους τρόπους. Ο Ιεχωβά βακέρντιβελα «κχαμ ντα ασπίδα» ντα «γιακ σο πφαμπαρέλα». (Ψαλμ. 84:11· Εβρ. 12:29) Λέσκι παρουσία μοιάζελα σαρ μπαρ σο ισί κερντό από ζαφείρι, σαρ μέταλλος σο λέλα-πες ντα σαρ ουράνιος τόξος σο λαμπίνελα. (Ιεζ. 1:26-28) Μερικά λάφια ανταλένταρ σο βακέρντιβενα ι Ιεχωβάσκε μπέκιμ τι κερέν-αμέν τι ατσσάς πουταρντέ μόσαρ ή ατζέ-ντα τι ανέν αμένγκε νταρ.

2. Σο μπορεί τι τσσιναβέλ μερικέ τζενέν τι πλησιάνεν ι Ιεχωβάς;

² Αφού να μπορίνασα τι ντικχάς ι Ιεχωβάς, μπέκιμ δυσκολίντιβασα τι πακιάς ότι μανγκέλα-αμέν. Μερικοί αμντίνενα ότι ο Ιεχωβά να κα μπορίνελας ποτές τι μανγκέλ-λεν ιτιρί οντουλένταρ σο νακχλέ. Μπέκιμ μα τι τθερένας ποτές εκχέ νταντές σο μανγκέλας-λεν. Ο Ιεχωβά αγαβέλα σαρ νιωθίνασα ντα σαρ επηρεάνενα-αμέν ανταλά αισθήματα. Για τι βοηθίνελ-αμέν, σικαβέλα αμένγκε πο σουκάρ χαρακτήρας αντράλ πι Λαφίσταρ.

3. Σόσκε ισί λατσσό τι ντικχάς μερικές λεπτομέρειες για την αγάπη ι Ιεχωβάσκι;

³ Ο λάφι σο σικαβέλα πο λατσσές ι Ιεχωβάς ισί η αγάπη. (1 Ιωάν. 4:8) Ο Ιεχωβά ισί αγάπη. Η αγάπη επηρεάνελα σαρέ οντουλά σο κερέλα. Η αγάπη ι Ντεβλέσκι ισί αζόμ τατί ντα αζόμ ζουρανί, σο σικαβέλα-λα ατζέ-ντα οντουλέντε σο να μανγκένα-λες. (Ματθ. 5:44, 45) Ανταλέ μαθημάστε, κα ντικχάς μερικές λεπτομέρειες ι Ιεχωβάσκε ντα για την αγάπη σο σικαβέλα. Καζόμ πο μπουτ σικλιάσα αμαρέ Ντεβλέσκε, αζόμ πο μπουτ κα μανγκάς-λες.

 Ο ΙΕΧΩΒΑ ΜΑΝΓΚΕΛΑ-ΑΜΕΝ ΜΠΟΥΤ

4. Σαρ κερέλα-τουμέν τι νιωθίνεν η μπαρί αγάπη ι Ιεχωβάσκι; (Ντικχέν ι φωτογραφία-ντα)

⁴ «Ο Ιεχωβά σικαβέλα μπουτ αγάπη». (Ιακ. 5:11) Κι Γραφή μοιασκιαρέλα πο νεαυτός εκχέ νταγιάσαρ σο σικαβέλα μπουτ αγάπη. (Ησ. 66:12, 13) Ανέν τουμαρέ γκοντιάτε εκχέ νταγιά σο αρακχαβέλα με αγάπη πι μαξιμίς. Κουνιαβέλα-λες μανγκιμάσαρ πι κοτσίντε ντα κερέλα λέσκε λάφι με ήρεμη ντα γκουλντί φωνή. Κάνα βοβ ροβέλα ή ντουκχάλα, λέσκι ντάι κανονίνελα τι τθερέλ σο-ντα χρειαζίντιβελα ο μαξίμι. Κάνα αμέν ντουκχάσα, μπορίνασα τι βασίντιβας κι αγάπη κι Ιεχωβάσκι. Ο ψαλμωδός γραφιντάς: «Κάνα μο ανησυχίες τασαντέ-μαν, τούι λοκχιαρντάν ντα γαλιντάν μο γκι».​—Ψαλμ. 94:19.

5. Σο μανγκέλα τι βακερέλ τουμένγκε η αφοσιωμέ αγάπη ι Ιεχωβάσκι;

⁵ Ο Ιεχωβά ισί αφοσιωμέ. (Ψαλμ. 103:8) Κάνα κεράσα κάποιο λάθος, να ισινάμ χαμέ λέσκε. Ο λαός Ισραήλ στεναχωρίνελας-λες συνέχεια. Όμως, κάνα ο Ισραηλίτες μετανιώνενας, βοβ βακερέλας λένγκε καζόμ μπουτ μανγκέλας-λεν. Για παράδειγμας, βακερντάς λένγκε: «Αβιλάν πολύτιμος μι γιακχίντε, άξιος, ντα με μανγκλόμ-τουτ». (Ησ. 43:4, 5) Η αγάπη ι Ντεβλέσκι να αλλαξάλι. Μπορίνασα πάντα τι βασίντιβας λάτε. Ατζέ-ντα άμα κερντάμ κάποια σοβαρά λάθη, ο Ιεχωβά να μουκχέλα-αμέν. Κάνα μετανιώνασα ντα βουρτίνασα κο Ιεχωβά, κα ντικχάς ότι βοβ συνεχίνελα τι μανγκέλ-αμέν. Βοβ ντέλα-αμέν πο λάφι ότι «κα συγχωρίνελ μπουτ». (Ησ. 55:7) Η Γραφή βακερέλα ότι, χάρη κι συγχώρηση ανταγιά, κα αβέν «λατσσέ ντιβεσά κατά Ιεχωβά».​—Πράξ. 3:19.

6. Σο σικλιαρέλα-αμέν ο εδάφιος Ζαχαρίας 2:8 ι Ιεχωβάσκε;

⁶ Διαβάνεν Ζαχαρίας 2:8. Επειδή μανγκέλα-αμέν, ο Ιεχωβά ντέλα μπαρί σημασία κο αισθήματα αμαρέ ντα ισί έτοιμος τι αρακχαβέλ-αμέν. Ντουκχάλα κάνα ντουκχάσα. Οτθάρ, μπορίνασα τι προσευχίντιβας αντικάς: «Αράκχαβ-μαν σαρ ο μιρικλό τι γιακχάκο». (Ψαλμ. 17:8) Η γιακχ ισί ευαίσθητη ντα πολύτιμος μέρος ι σωμάσκο. Οτθάρ, κάνα ο Ιεχωβά βακερέλα ότι ισινάμ σαρ ο μιρικλό λέσκε γιακχάκο, ισί σαρ τι βακερέλα αμένγκε: “Κον κα πειράνελ-τουτ, λαέ μου, πειράνελα κάτι σο ισί πολύτιμος μάνγκε”.

7. Σόσκε πρέπει τι αβάς σίγουροι για την αγάπη ι Ιεχωβάσκι;

⁷ Ο Ιεχωβά μανγκέλα τι αβάς σίγουροι για την αγάπη σο τθερέλα ι κάθε εκχέσκε αμένταρ. Τζανέλα όμως ότι ιτιρί οντουλένταρ σο νακχλάμ μπέκιμ μα τι αβάς σίγουροι για την αγάπη σο τθερέλα αμένγκε. Ή μπέκιμ ακανά τι νακχάσα κάποιες  καταστάσεις σο κερένα-αμέν μα τι αβάς σίγουροι άμα ο Ιεχωβά μανγκέλα-αμέν. Σο πρέπει τι κεράς για τι αβάς σίγουροι ανταλέσκε; Τι σικλιάς σαρ σικαβέλα ο Ιεχωβά πι αγάπη κο Ιησούς, κο χρισμέ ντα σαρέ αμέντε.

ΣΑΡ ΣΙΚΑΒΕΛΑ Ο ΙΕΧΩΒΑ ΠΙ ΑΓΑΠΗ

8. Σόσκε ισινέ ο Ιησούς σίγουρος για την αγάπη πι Νταντέσκι;

⁸ Για μπουτ αιώνες, ο Ιεχωβά ντα λέσκο αγαπημέ Τσσαβό τθερένας εκ μπουτ λατσσί φιλία σο βασίντιβελα κι μπαρί αγάπη σο τθερένα ο εκ ι γιαβερέσκε. Λένγκι φιλία ισί η πο πουρανί κο σύμπαν. Ο Ιεχωβά βακερντάς ξεκάθαρα ι αγάπη σο τθερέλας ι Ιησούσκε, σαρ διαβάνασα κο εδάφιος Ματθαίος 17:5. Ο Ιεχωβά κα μπορίνελας απλώς τι βακερέλ: “Ακαβά ισί οντουβά σο κερέλα μο γκι”. Όμως, μανγκέλας τι τζανάς καζόμ μπουτ μανγκέλα ι Ιησούς, οτθάρ βακερντάς ακαβά-ντα: «Ακαβά ισί μο Τσσαβό σο μανγκάβα-λες μπουτ». Ο Ιεχωβά ισινέ περήφανος ι Ιησούσκε ντα οντουλένγκε σο κα κερέλας. (Εφεσ. 1:7) Ντα ο Ιησούς ισινέ σίγουρος για το αισθήματα πι Νταντέσκε. Η αγάπη ι Ιεχωβάσκι ισινέ αζόμ πραγματική για τον Ιησού, σο μπορίνελας τι νιωθίνελ-λα ντιπ αντρά-πέστε. Μπουτ φαρ βακερντάς με σιγουριά ότι ο Ντατ μανγκέλας-λες.​—Ιωάν. 3:35· 10:17· 17:24.

9. Καλέ λαφίσταρ αγαντίντιβελα η αγάπη σο τθερέλα ο Ιεχωβά ι χρισμέ τζενένγκε; Εξηγίνεν. (Ρωμαίους 5:5)

⁹ Ο Ιεχωβά σικαβέλα επίσης πι αγάπη ι χρισμέ τζενένγκε. (Διαβάνεν Ρωμαίους 5:5) Ντεν σημασία ο λάφι «πφερντάς». Εκ λεξικός σο ασχολίντιβελα ι Γραφιάσαρ εξηγίνελα-λες ανταβά αντικάς: «Αβιλί οπρ’ αμέντε σαρ πανί σο τθάβντελα φοράσαρ». Καζόμ λατσσές σικαβένα ανταλά λάφια ι μπαρί αγάπη σο τθερέλα ο Ιεχωβά ι χρισμέ τζενένγκε! Ο χρισμέ τζανένα ότι «μανγκλάς-λεν ο Ντεβέλ». (Ιούδα 1) Ο απόστολος Ιωάννης βακερντάς σαρ νιωθίνενα κάνα γραφιντάς: «Ντικχέν καζόμ μπαρί αγάπη σικαντάς αμένγκε ο Ντατ, τι βακέρντιβας τσσαβέ ι Ντεβλέσκε!» (1 Ιωάν. 3:1) Μήπως ο Ιεχωβά μανγκέλα σάντε ι χρισμέ τζενέν; Όχι, ο Ιεχωβά σικαντάς πι αγάπη σαρέ αμένγκε.

10. Καβά πράγμας σικαβέλα ξεκάθαρα τουμένγκε ι αγάπη ι Ιεχωβάσκι;

¹⁰ Καβά πράγμας σικαβέλα ξεκάθαρα ι αγάπη ι Ιεχωβάσκι; Ο λύτρος. Καέκ να σικαντάς ποτές πο μπαρί αγάπη κατά αγάπη ανταγιά! (Ιωάν. 3:16· Ρωμ. 5:8) Ο Ιεχωβά ντινάς πι πολύτιμε Τσσαβές, ντα μουκχλάς τι μερέλ σαρέ ι τζενένγκε, για τι μπορίνεν τι συγχωρίντιβεν αμαρέ αμαρτίες ντα τι αβάς Λέσκε αμαλά. (1 Ιωάν. 4:10) Καζόμ πο μπουτ σκεφτίνασα λατσσές ι θυσία σο κερντάς ο Ιεχωβά ντα ο Ιησούς, αζόμ πο λατσσές αγαβάσα καζόμ μπουτ μανγκένα ι κάθε εκχές αμένταρ. (Γαλ. 2:20) Ο λύτρος να ντιντιλό για τι τηρίντιβεν ο όροι εκχέ συμβολαιόσκε. Ισί δώρος αγάπης. Ο Ιεχωβά σικαντάς πι αγάπη αμένγκε κάνα θυσιαντάς ανταβά σο ισινέ πο πολύτιμος λέσκε​—ι Ιησούς. Ο Ιεχωβά μουκχλάς τι ταλαιπωρίντιβελ λέσκο Τσσαβό ντα τι μερέλ αμένγκε.

11. Σο σικλιάσα κατά εδάφιος Ιερεμίας 31:3;

¹¹ Σαρ ντικχλάμ, ο Ιεχωβά να ατσσικιαρέλα πο αισθήματα πι νεαυτόσκε, αλλά βακερέλα ι αγάπη σο τθερέλα. (Διαβάνεν Ιερεμίας 31:3) Ο Ιεχωβά ταρτιντάς-αμέν πασέ πέστε επειδή μανγκέλα-αμέν. (Ντικχέν Δευτερονόμιο 7:7, 8) Τίποτα ντα καέκ να μπορίνελα τι χωρίνελ-αμέν κατά αγάπη ανταγιά. (Ρωμ. 8:38, 39) Σαρ νιωθίνενα τουμέν για την αγάπη ανταγιά; Διαβάνεν ο Ψαλμός 23 ντα ντικχέν σαρ βοηθιντάς ι Δαβιδίς η αγάπη ντα η φροντίδα ι Ιεχωβάσκι, ντα σαρ μπορίνελα τι βοηθίνελ-αμέν σαριλέν.

ΣΑΡ ΝΙΩΘΙΝΕΝΑ ΤΟΥΜΕΝ ΓΙΑ ΤΗΝ ΑΓΑΠΗ Ι ΙΕΧΩΒΑΣΚΙ;

12. Σαρ κα εξηγίνενας χάνικ λαφίντζαρ ο Ψαλμός 23;

¹² Διαβάνεν Ψαλμός 23:1-6. Ο Ψαλμός 23 ισί εκ ύμνος σο σικαβέλα σιγουριά για την αγάπη ντα για τη φροντίδα ι Ιεχωβάσκι. Ο Δαβίδ, σο γραφιντάς ανταβά ψαλμός, βακερέλα ι ζουρανί σχέση σο τθερέλας πι Τσομπανίσαρ, ι Ιεχωβάσαρ. Ο Δαβίδ νιωθίνελας αρακχαντό καζόμ μουκχέλας ι Ιεχωβάς τι οδηγίνελ-λες ντα ντέλας σαρί πι μπέσα λέστε. Τζανέλας ότι η αγάπη ι Ιεχωβάσκι κα ακολουθίνελας-λες σαρέ ο  ντιβεσά λέσκε ζωγιάκε. Σόσκε ισινέ αζόμ σίγουρος;

13. Σόσκε ισινέ ο Δαβίδ σίγουρος για τη φροντίδα ι Ιεχωβάσκι;

¹³ «Κα τθεράβ σο-ντα μανγκάβα». Ο Δαβίδ νιωθίνελας ότι τθερέλας λατσσί φροντίδα επειδή ο Ιεχωβά ντέλας-λες συνέχεια σο-ντα τθερέλας ανάγκη. Ο Δαβίδ απολαμβάνελας επίσης ι φιλία ντα ι ευλογία ι Ιεχωβάσκι. Οτθάρ, ισινέ σίγουρος ότι, σο-ντα τι αβέλας λέσκε κο μέλλον, ο Ιεχωβά κα συνεχίνελας τι φροντίνελ λέσκε ανάγκες. Η μπέσα σο τθερέλας ο Δαβίδ κι μπαρί αγάπη κι Ιεχωβάσκι ισινέ πο ζουρανί από κάθε ανησυχία σο τθερέλας ντα κερέλας-λες τι νιωθίνελ πφερντό ντα ευτυχισμέ.​—Ψαλμ. 16:11.

14. Σαρ μπορίνελα τι φροντίνελ-αμέν λατσσιμάσαρ ο Ιεχωβά;

¹⁴ Ο Ιεχωβά φροντίνελα-αμέν λατσσιμάσαρ, ειδικά κάνα αβένα-πες μπέτι πράγματα αμαρέ ζωγιάτε. Η Κλερ, a σο υπηρετίνελα κο Μπέθελ πο μπουτ από 20 μπρεσά, νιωσάλι ότι να τθερέλας καέκ βοήθεια κάνα λάκι φαμιλί νακχλάς παλάλ γιαβερέστε μπαρέ προβλήματα. Λάκο ντατ κερντάς εγκεφαλικός, εκ λάκε πφενίνταρ χαλάς αποκοπή ντα λάκε τζενέ χασαρντέ πουμαρί χουρντί επιχείρηση ντα πουμαρό κχερ. Σαρ σικαντάς λένγκε ο Ιεχωβά πι λατσσί φροντίδα; Η Κλερ βακερέλα: «Ο Ιεχωβά πάντα κανονίνελας τι τθερέλ μι φαμιλί σο-ντα χρειαζίντιβελας κάθε ντιβές. Κάθε φαρ, οντουλά σο ντέλας-αμέν ο Ιεχωβά ούτε σο νακχένας αμαρέ γκοντιάταρ! Σκεφτίναβα συνέχεια οντουλά στιγμές σο νιωσάλομ ι τατί αγάπη ι Ιεχωβάσκι ντα αρακχαβάβα-λεν σαρ θησαυρός. Ανταλά αναμνήσεις βοηθίνενα-μαν τι συνεχίναβ παρόλο σο νακχλόμ δοκιμασίες».

15. Σόσκε νιωθίνελας ο Δαβίδ ότι ο Ιεχωβά λοκχιαρέλας λέσκο γκι; (Ντικχέν ι φωτογραφία-ντα)

¹⁵ «Λοκχιαρέλα-μαν». Ισινέ φαρ σο ο Δαβίδ νιωθίνελας μπαρί στεναχώρια ιτιρί κατά προβλήματα ντα κατά δοκιμασίες σο νακχέλας. (Ψαλμ. 18:4-6) Όμως, η τατί αγάπη ντα η φροντίδα  ι Ιεχωβάσκι λοκχιαρένας λέσκο γκι. Ο Ιεχωβά οδηγίνελας πι κχινέ αμαλές «τθανέντε σο ισί πφερντέ τσαριά» ντα “τθανέντε μπερεκέτι πανίντζαρ για τι ξεκουράντιβελ”. Οτθάρ, ο Δαβίδ αρακχέλας πάλι πι ζορ ντα μπορίνελας τι συνεχίνελ.​—Ψαλμ. 18:28-32.

16. Σαρ η αγάπη ι Ιεχωβάσκι λοκχιαρντάς τουμαρό γκι;

¹⁶ Αντικάς αντιβές-ντα, «κατά αφοσιωμέ αγάπη ι Ιεχωβάσκι να ερεσλάμ ατζέ κο τέλος αμαρό» παρόλο σο νακχάσα δοκιμασίες ντα δυσκολίες κι ζωή. (Θρ. 3:22· Κολ. 1:11) Σκεφτίνεν για παράδειγμας τη Ρέιτσελ, σο χασαρντάς πι ζορ κάνα λάκο ρομ μουκχλάς εμ λα εμ ι Ιεχωβάς αντρέ κο Κορωνοϊός. Σο κερντάς ο Ιεχωβά για τη Ρέιτσελ; Βόι βακερέλα: «Ο Ιεχωβά κερντάς-μαν τι νιωθίναβ ότι μανγκένα-μαν ο γιαβερά. Ισινόμας αμαλέντζαρ σο νακχένας σαάτι μάντζαρ, ανένας μάνγκε χαμπέ, μπουτσσαβένας μάνγκε σουκάρ μηνύματα ντα εδάφια σο ντένας-μαν ζορ, επίσης λένγκο χαμόγελος βοηθίνελας-μαν τι νιωθίναβ πο σουκάρ ντα να τσσιναβένας τι ανέν μι γκοντιάτε ότι ο Ιεχωβά φροντίνελας-μαν. Βακεράβα συνέχεια ευχαριστώ κο Ιεχωβά σο ντινάς-μαν εκ μπαρί φαμιλί σο ισί αζόμ λατσσί».

17. Σόσκε ο Δαβίδ “να νταρέλας μα τι αβέλ-πες λέσκε καέκ ζιάνι”;

¹⁷ «Να νταράβα μα τι αβέλ-πες μάνγκε καέκ ζιάνι, σόσκε τούι ισινάν μάντζαρ». Η ζωή ι Δαβιδίσκι ισινέ μπουτ φαρ σε κίνδυνος επειδή τθερέλας μπουτέ ζουρανέ ντουσμανίν. Αλλά η αγάπη ι Ιεχωβάσκι κερέλας-λες τι νιωθίνελ αρακχαντό. Ο Δαβίδ νιωθίνελας ότι ο Ιεχωβά ισινέ λέσαρ κατέ-ντα τι ισινέας ντα ανταβά ηρεμίνελας-λες. Οτθάρ, μπορίνελας τι γκιλιαβέλ: «[Ο Ιεχωβά] νασκιαρντάς ντουρ μάνταρ σαρέ ο πράγματα σο νταραβένας-μαν». (Ψαλμ. 34:4) Ισινέ μπουτ πράγματα σο νταραβένας ι Δαβιδίς, αλλά η αγάπη ι Ιεχωβάσκι ισινέ πο ζουρανί κατά νταρ.

18. Σαρ η σιγουριά ότι ο Ιεχωβά μανγκέλα-τουμέν κα ντελ-τουμέν ζορ κάνα νταρένα;

¹⁸ Σαρ ντέλα-αμέν ζορ η σιγουριά ότι ο Ιεχωβά μανγκέλα-αμέν κάνα νακχάσα πράγματα σο πφερένα-αμέν νταρ; Εκ σκαπάνισσα, η Σούζι, βακερέλα σαρ νιωσάλι βόι ντα λάκο ρομ κάνα λένγκο τσσαβό μουνταρντάς-πες: «Κάνα νακχέσα εκ αζόμ μπέτι πράγμας τι ζωγιάτε, κερέλα-τουτ τι νιωθίνες ότι να ισινάν ιτς αρακχαντό ντα να τθερέσα βοήθεια. Αλλά η μπαρί αγάπη ι Ιεχωβάσκι κερντάς-αμέν τι νιωθίνας αρακχαντέ». Η Ρέιτσελ ντέλα-πες γκοντί: «Εκ ιράτ σο ναστί νταϊντίναβας ι ντουκχ σο νιωθίναβας αντρέ μι γκίστε ντα χαλάας-μαν η ανησυχία ντα η νταρ, ντινόμ βίκος ζουρανές κο Ιεχωβά. Αμέσως νιωσάλομ ότι βοβ γαλιντάς μο γκι ντα ηρεμιντάς-μαν, σαρ εκ ντάι πι μαξιμίς, ντα λιντάς-μαν λίντρα. Να κα μπιστράβ ποτές οντιά στιγμή». Εκ πρεσβύτερος, ο Τάσος, ατσσιλό σταρ μπρεσά κι  φυλακή επειδή να μανγκλάς τι τζαλ κο στρατός. Σαρ νιωσάλο ι αγάπη ντα ι φροντίδα ι Ιεχωβάσκι; Βοβ βακερέλα: «Ο Ιεχωβά ντινάς-μαν σαρέ οντουλά σο τθεράβας ανάγκη ντα ατζέ πο μπουτ. Ανταβά κερντάς-μαν τι αβάβ ατζέ πο σίγουρος ότι μπορίναβα τι νταβ λέσκε σαρί μι μπέσα. Επίσης, αντράλ πι πνευμάσταρ, ο Ιεχωβά ντέλας-μαν χαρά, παρόλο σο ισινόμας εκχέ τθανέστε σο ανέλα στεναχώρια. Ανταβά πφερντάς-μαν σιγουριά ότι, καζόμ πο μπουτ μπέσα ντάβας λέσκε, αζόμ πο μπουτ κα βοηθίντιβαβας λέσκε λατσσιμάσταρ. Οτθάρ, αρχισάλομ τι υπηρετίναβ σαρ τακτικός σκαπανέας καζόμ ισινόμας κι φυλακή».

ΤΖΑΝ ΠΟ ΠΑΣΕ ΤΟΥΜΑΡΕ ΛΑΤΣΣΕ ΝΤΕΒΛΕΣΤΕ

19. (α) Σο κα βακεράς αμαρέ προσευχιέντε άμα τζανάσα ότι ο Ντεβέλ μανγκέλα-αμέν; (β) Καβά λάφι σο σικαβέλα ι αγάπη ι Ιεχωβάσκι αγγίνελα-τουμέν προσωπικά; (Ντικχέν ο πλαίσιος « Λάφια σο Βοηθίνενα-αμέν τι Νιωθίνας ι Τατί Αγάπη ι Ιεχωβάσκι»)

¹⁹ Σαρέ ο εμπειρίες σο ντικχλάμ σικαβένα ότι ο Ιεχωβά, «ο Ντεβέλ σο σικαβέλα αγάπη», κα αβέλ αμέντζαρ! (2 Κορ. 13:11) Πφαμπόλα ι κάθε εκχέσκε αμένταρ. Ισινάμ σίγουροι ότι “αρακχάντιβασα λέσκε αφοσιωμέ μανγκιμάσαρ”. (Ψαλμ. 32:10) Καζόμ πο λατσσές σκεφτίνασα σαρ σικαβέλα ο Ιεχωβά πι αγάπη, αζόμ πο πραγματικός κα αβέλ αμένγκε ντα αζόμ πο πασέ λέστε κα νιωθίνας. Μπορίνασα τι τζας πασέ λέστε χωρίς τι λατζάς ντα τι βακεράς λέσκε καζόμ χρειαζίντιβασα λέσκι αγάπη. Μπορίνασα τι βακεράς λέσκε σαρέ ο πράγματα σο ανησυχίνενα-αμέν ντα τι αβάς σίγουροι ότι αγαβέλα-αμέν ντα ότι ισί έτοιμος τι βοηθίνελ-αμέν.​—Ψαλμ. 145:18, 19.

20. Σαρ ανέλα-αμέν πο πασέ κο Ιεχωβά λέσκι αγάπη;

²⁰ Σαρ ταρτίνελα-αμέν η τατί γιακ εκ ντιβές σο κερέλα σιλ, αντικάς-ντα ταρτίνελα-αμέν η τατί αγάπη ι Ιεχωβάσκι. Παρόλο σο η αγάπη ι Ιεχωβάσκι ισί ζουρανί, ισί επίσης γκουλντί. Οτθάρ, τι δεχτίνεν ι τατί αγάπη ι Ιεχωβάσκι τουμαρέ ζωγιάτε. Ντα σαρέ τι δεχτίνας ι αγάπη λέσκι ντα τι βακεράς γκίσαρ: «Μανγκάβα ι Ιεχωβάς»!​—Ψαλμ. 116:1.