1. Σο ντινάς λατσσιμάσαρ ο Ιεχωβά πι κάθε πιστέ υπηρετίστε;

Ο ΙΕΧΩΒΑ ντινάς λατσσιμάσαρ πι κάθε πιστέ υπηρετίστε εκ σημαντική μπουτί αντρέ κι κχανγκιρί. Παρόλο σο ο κάθε εκ κερέλα διαφορετικά πράγματα κι κχανγκιρί, σαρέ ισινάμ σημαντικοί ντα σαρέ τθεράσα ανάγκη ο εκ ι γιαβερές. Ο απόστολος Παύλος βοηθίνελα-αμέν τι αγαβάς ανταβά σημαντικός πράγμας. Σαρ;

2. Σόσκε πρέπει τι εκτιμίνας ο εκ ι γιαβερές ντα τι τθεράς συνεργασία σαρ βακερέλα ο εδάφιος Εφεσίους 4:16;

² Σαρ σικαβέλα ο εδάφιος ανταλέ μαθημάσκο, ο Παύλος βακερντάς ότι καέκ αμένταρ ναστί ντικχέλα εκχέ γιαβερέ υπηρετής ι Ιεχωβάσκο ντα τι βακερέλ αντρέ πέστε: «Να τθεράβα-τουτ ανάγκη». (1 Κορ. 12:​21) Για τι τθεράς ειρήνη αντρέ κι κχανγκιρί, πρέπει τι εκτιμίνας ο εκ ι γιαβερές ντα τι τθεράς συνεργασία. (Διαβάνεν Εφεσίους 4:​16) Κάνα κεράσα-λες ανταβά, σαρέ κι κχανγκιρί κα νιωθίνεν ότι μανγκένα-λεν ντα λένγκι πίστη κα αβέλ ζουρανί.

3. Σο κα ντικχάς ανταλέ μαθημάστε;

³ Σαρ μπορίνασα τι σεβάνας ι γιαβερέ Χριστιανόν κι κχανγκιρί; Ανταλέ μαθημάστε, κα ντικχάς σαρ μπορίνενα ο πρεσβύτεροι τι σεβάνεν ι γιαβερέ πρεσβυτερόν. Σοράν, κα ντικχάς σαρ μπορίνασα τι σικαβάς ότι ισί σημαντικοί αμαρέ γιακχίντε ο πφραλά ντα ο πφενιά σο νανέ παντριμέ. Ντα κο τέλος, κα σικλιάς σαρ τι σικαβάς εκτίμηση οντουλένγκε σο να κερένα λάφι λατσσές αμαρί τσσιπ.

4. Καγιά συμβουλή σο ισί κο εδάφιος Ρωμαίους 12:​10 πρέπει τι κερέν ο πρεσβύτεροι;

⁴ Σαρέ ο πρεσβύτεροι κι κχανγκιρί ισί διορισμέ κατά άγιος πνεύμας ι Ιεχωβάσκο. Όμως, ο κάθε τζενό τθερέλα γιαβερά χαρίσματα ντα ικανότητες. (1 Κορ. 12:​17, 18) Μερικοί μπορεί τι ισί νεβέ πρεσβύτεροι ντα μα τι τζανένα σαρ αβένα-πες μερικά μπουτιά αντρέ κι κχανγκιρί. Γιαβερά ίσως ναστί κερένα μπουτ πράγματα σόσκε ισί πφουρέ ή νασφαλέ. Όμως, καέκ πρεσβύτερος δεν πρέπει τι ντικχέλ εκχέ γιαβερέ πρεσβυτερός ντα τι βακερέλ αντρέ πέστε: «Να τθεράβα-τουτ ανάγκη». Αλλά κάθε πρεσβύτερος πρέπει τι κερέλ ι συμβουλή ι Παυλόσκι σο ισί κο εδάφιος Ρωμαίους 12:​10.​—Διαβάνεν.

5. Σαρ σικαβένα ο πρεσβύτεροι ότι σεβάνενα ι γιαβερέ πρεσβυτερόν κι κχανγκιρί, ντα σόσκε ισί σημαντικός τι κερέν-λες ανταβά;

⁵ Ο πρεσβύτεροι σικαβένα ότι σεβάνενα ι γιαβερέ πρεσβυτερόν κι κχανγκιρί κάνα ασουνένα-λεν προσεκτικά. Ανταβά ισί ατζέ πιο σημαντικός κάνα γκιντίντιβενα σαρέ ο πρεσβύτεροι για τι κερέν λάφι σοβαρέ πραγματένγκε. Σόσκε; Ντικχέν σο βακερντάς Η Σκοπιά 1 Οκτωβρίου 1988: «Ο πρεσβύτεροι κα αγαβέν ότι ο Χριστός, αντράλ κατά άγιος πνεύμας, μπορίνελα τι κερέλ ι κάθε εκχέ πρεσβυτερός τι σκεφτίνελ εκ Γραφική αρχή σο κα βοηθίνελ-λεν τι τζανέν σο τι κερέν κι κάθε περίπτωση ή για τι λεν εκ σημαντική απόφαση. (Πράξ. 15:​6-15) Ο άγιος πνεύμας βοηθίνελα σαρέ ι πρεσβυτερόν κι κχανγκιρί, όχι σάντε εκχές».

6. Σαρ μπορίνενα ο πρεσβύτεροι τι τθερέν λατσσί συνεργασία, ντα σαρ βοηθίντιβελα η κχανγκιρί κάνα κερένα-λες ανταβά;

⁶ Ο πρεσβύτερος σο σεβάνελα ι γιαβερέ πρεσβυτερόν να προσπαθίνελα τι κερέλ πάντα βοβ πρώτος λάφι κάνα γκιντίντιβενα σαρέ γιεκ. Να κερέλα λάφι σάντε βοβ ντα να πακιάλα ότι λέσκι άποψη ισί πάντα η σωστή. Αλλά βακερέλα ανταβά σο σκεφτίνελα με ταπεινός τρόπος. Ασουνέλα προσεκτικά ο λάφια ι γιαβερένγκε. Ντα ο πιο σημαντικός, μπεϊντίνελα τι συζητίνελ συμβουλές κατά Γραφή ντα τι κερέλ οντουλά σο  βακερέλα «ο πιστός ντα φρόνιμος δούλος». (Ματθ. 24:​45-47) Κάνα ο πρεσβύτεροι σικαβένα αγάπη ντα σεβασμός καζόμ κερένα λάφι διάφορε πραγματένγκε, ο άγιος πνεύμας ισί οτθέ ντα βοηθίνελα-λεν για τι λεν αποφάσεις σο κα ντεν ζορ ι πφραλέν κι κχανγκιρί.​—Ιακ. 3:​17, 18.

7. Σαρ ντικχέλας ο Ιησούς οντουλέν σο να ισινέ παντριμέ;

⁷ Αντιβές, κι κχανγκιρί υπαρχίντιβενα αντρόγυνα ντα φαμιλιά. Υπαρχίντιβενα όμως μπουτ πφραλά ντα πφενιά σο νανέ παντριμέ. Σαρ πρέπει τι ντικχάς ανταλέ τζενέν; Σκεφτίνεν σαρ ντικχέλας-λεν ο Ιησούς. Ο Ιησούς να παντρισάλο. Ντέλας πο σαάτι ντα πι προσοχή πι διορισμόστε. Ο Ιησούς ποτές να βακερντάς ότι εκ Χριστιανός πρέπει τι παντρίνελ ή τι ατσσόλ μπίπαντριμε. Βακερντάς όμως ότι μερικοί Χριστιανοί κα τραμπίνενας μα τι παντρίνεν. (Ματθ. 19:​11, 12) Ο Ιησούς σεβάνελας οντουλέν σο να ισινέ παντριμέ. Να σκεφτίνελας ότι να ισινέ σημαντικοί ή ότι χασαρένας κάτι πουμαρέ ζωγιάταρ επειδή να ισινέ παντριμέ.

8. Σο βακερντάς ο Παύλος ι Χριστιανόνγκε τι σκεφτίνεν σαρ βακερένα ο εδάφια 1 Κορινθίους 7:​7-9;

⁸ Σαρ ο Ιησούς, αντικάς ο απόστολος Παύλος-ντα κερέλας πο έργος μπίπαντριμε. Ο Παύλος ποτές να σικλιαρντάς ότι ισινέ λάθος τι παντρίνεν ο Χριστιανοί. Αγαβέλας ότι βον κα τραμπίνενας σο κα κερένας. Όμως, βακερντάς ι Χριστιανόνγκε τι σκεφτίνεν άμα κα μπορίνενας τι υπηρετίνεν ι Ιεχωβάς μπίπαντριμε. (Διαβάνεν 1 Κορινθίους 7:​7-9) Σίγουρα, ο Παύλος να σκεφτίνελας ότι ο Χριστιανοί σο νανέ παντριμέ να ισινέ αζόμ σημαντικοί σαρ ο παντριμέ. Μάλιστα, τραμπιντάς ι τερνέ Τιμοθεός, εκχέ πφραλές σο ισινέ εργένη, για τι κερέλ σημαντικά πράγματα κι υπηρεσία κι Ιεχωβάσκι. * (Φιλιπ. 2:​19-22) Οτθάρ, κα αβέλας λάθος τι ντικχάς άμα εκ πφραλ ισί παντριμέ ή νανέ για τι βακεράς ότι ισί λατσσό ή νανέ λατσσό για τι τθερέλ πιο μπουτ προνόμια.​—1 Κορ. 7:​32-35, 38.

9. Σο μπορίνασα τι βακεράς οντουλένγκε σο ισί παντριμέ ντα οντουλένγκε σο νανέ;

⁹ Ούτε ο Ιησούς ούτε ο Παύλος βακερντέ ότι ο Χριστιανοί πρέπει τι παντρίνεν ή ότι πρέπει τι ατσσόν μπίπαντριμε. Οτθάρ, σο μπορίνασα τι βακεράς οντουλένγκε σο ισί παντριμέ ντα οντουλένγκε σο νανέ; Η Σκοπιά 1 Οκτωβρίου 2012 βακερντάς-λες ανταβά μπουτ σουκάρ: «Κι πραγματικότητα, ο  ντούι-ντα [τι παντρίνελ εκ τζενό ή μα τι παντρίνελ] ισί δώρος κατά Ντεβέλ. . . . Ο Ιεχωβά να πακιάλα ότι οντουλά σο νανέ παντριμέ πρέπει τι λατζάν ή τι τσσουβέν πουμαρέ γκίστε». Οτθάρ, πρέπει τι σεβάνας ανταλέ πφραλέν ντα πφενίν.

10. Σαρ μπορίνασα τι σεβάνας ι πφραλέν ντα ι πφενίν σο νανέ παντριμέ;

¹⁰ Σαρ μπορίνασα τι σεβάνας οντουλέν σο νανέ παντριμέ; Πρέπει τι ντας-αμέν γκοντί ότι μερικοί Χριστιανοί τραμπιντέ μα τι παντρίνεν. Γιαβερά Χριστιανοί κα μανγκένας τι παντρίνεν αλλά να αρακχλέ ατζέκ εκχές αντικάς σαρ κα μανγκένας. Γιαβερά πάλι μπορεί τι μουλό λένταρ λένγκο ρομ ή λένγκι ρομνί. Σαρ-ντα τι αβέν ο πράγματα, ο πφραλά κι κχανγκιρί δεν πρέπει τι πουτσέν-λεν σόσκε να παντρισάλε ή τι βακερέν ότι κα βοηθίνεν-λεν τι παντρίνεν. Αλλά μερικοί Χριστιανοί σο νανέ παντριμέ μπορεί τι μανγκέν ασακί βοήθεια. Σαρ όμως κα νιωθίνενας οντουλά πφραλά ντα πφενιά άμα κα ντάας-λεν ασακί βοήθεια χωρίς τι μανγκέν-λα αμένταρ; (1 Θεσ. 4:​11· 1 Τιμ. 5:​13) Για τι ντικχάς σο βακερένα μερικά πιστά πφραλά ντα πφενιά σο νανέ παντριμέ.

11, 12. Καλά πράγματα μπορεί τι κερέν οντουλέν σο νανέ παντριμέ τι χασαρέν πουμαρί ζορ;

¹¹ Εκ επίσκοπος περιοχής σο νανέ παντριμέ ντα ισί μπουτ λατσσό πι διορισμόστε πακιάλα ότι οντουλά σο νανέ παντριμέ μπορίνενα τι κερέν μπουτ πράγματα σο ναστί κερένα-λεν ο παντριμέ. Όμως, βακερέλα ότι ισί μπουτ μπέτι κάνα ο πφραλά ντα ο πφενιά πουτσένα-λες: «Σόσκε να παντρισάλαν;» Εκ μπίπαντριμε πφραλ σο υπηρετίνελα σε εκ γραφείος τμήματος βακερντάς: «Μπάζιμα, κάποια πφραλά ντα πφενιά κερένα-μαν τι νιωθίναβ ότι οντουλά σο νανέ παντριμέ ισί μπεζαβά. Ανταβά μπορεί τι κερέλ εκχέ τζενές τι σκεφτίνελ ότι άμα νανέ παντριμέ τσσουβέλα πφαριπέ πι γκίστε».

¹² Εκ μπίπαντριμε πφεν σο υπηρετίνελα κο Μπέθελ βακερντάς: «Μερικά πφραλά αμντίνενα ότι σαρέ οντουλά σο νανέ παντριμέ ρόντενα ρομέσκε ή ρομνιάκε ή ότι ντικχένα κάθε παρέα σαρ ευκαιρία για τι αρακχέν πέσκε ρομές ή ρομνιά. Εκ φαρ σο γκιλόμ γιαβερέ τθανέστε εκχέ διορισμόσκε, ερεσλόμ κο ντιβές σο αβέλας-πες η συνάθροιση. Η πφεν σο μπεσάβας λάκε κχερέστε βακερντάς ότι ισινέ ντούι τερνέ κι κχανγκιρί μι ηλικιάτε. Βακερντάς μάνγκε ότι να προσπαθίνελας τι παντρισκιαρέλ-μαν. Αλλά μόλις ισταντόμ αντρέ κι Αίθουσα Βασιλείας, γκερντάς-μαν αμέσως τι γνωρίναβ-λεν. Να χρειαζίντιβελα τι βακεράβ καζόμ μπέτι νιωσάλαμ ο τριν-ντα».

13. Καλά παραδείγματα ντινέ ζορ εκχέ πφενιά σο νανέ παντριμέ;

¹³ Εκ γιαβέρ μπίπαντριμε πφεν σο υπηρετίνελα κο Μπέθελ βακερντάς: «Τζανάβα σκαπανίν σο ισί μπαρέ ντα νανέ παντριμέ ντα ισί λογικοί, τζανένα σο μανγκένα, ντένα πουμαρέ νεαυτόσταρ ντα ισί χαρούμενοι. Ισί μπαρί βοήθεια ι κχανγκιριάκε. Να νιωθίνενα ούτε ότι ισί πιο σημαντικοί ούτε ότι χασαρένα κάτι επειδή νανέ παντριμέ ντα να τθερένα τσσαβέν». Άκ’ σόσκε ισί μπουτ σουκάρ τι αβέν εκχέ κχανγκιριάτε σο σαρέ σεβάνενα ντα εκτιμίνενα ο εκ ι γιαβερές. Ο πφραλά να κερένα-τουμέν τι νιωθίνεν ότι ισινέν μπεζαβά ούτε ζηλίνενα-τουμέν, να μουκχένα-τουμέν κι άκρη ούτε ισαρένα-τουμέν μπουτ. Αγαβένα ότι μανγκένα-τουμέν.

14. Σαρ μπορίνασα τι σικαβάς ότι σεβάνασα οντουλέν σο νανέ παντριμέ;

¹⁴ Ο πφραλά ντα ο πφενιά σο νανέ παντριμέ κα αβέν χαρούμενοι άμα εκτιμίνασα λένγκε λατσσέ ιδιότητες ντα να νιωθίνασα ότι ισί μπεζαβά επειδή να παντρισάλε. Αντίς τι τζιτζίνας λένγκε, πρέπει τι εκτιμίνας λένγκι πίστη. Αντικάς, να κα νιωθίνεν  ποτές ότι βακεράσα λένγκε: «Να τθεράβα-τουμέν ανάγκη». (1 Κορ. 12:​21) Αλλά κα τζανέν ότι σεβάνασα-λεν ντα ότι ισί μπουτ σημαντικοί αντρέ κι κχανγκιρί.

15. Καλά αλλαγές κερντέ μερικοί για τι κερέν πιο μπουτ πράγματα κι υπηρεσία κι Ιεχωβάσκι;

¹⁵ Ακανά τελευταία, μπουτ πφραλά ντα πφενιά σικλιόνα εκ γιαβέρ τσσιπ για τι κερέν πιο μπουτ πράγματα κι υπηρεσία κι Ιεχωβάσκι. Για τι κερέν-λες ανταβά, κερντέ μπερεκέτι αλλαγές πουμαρέ ζωγιάτε. Νασλέ εκχέ κχανγκιριάταρ σο κερντιόλας λάφι λένγκι τσσιπ για τι υπηρετίνεν εκχέ κχανγκιριάτε σο κερντιόλα λάφι εκ γιαβέρ τσσιπ, οτθέ σο ισί πιο μπαρί ανάγκη τι βακέρντιβεν ο λατσσέ αμπέρια. (Πράξ. 16:9) Ανταλά Χριστιανοί λένα ανταγιά απόφαση για τι κερέν πιο μπουτ πράγματα ι Ιεχωβάσκε. Παρόλο σο μπορεί τι νακχέν μπρεσά για τι σικλιόν τι κερέν λάφι λατσσές ι νεβί τσσιπ, βοηθίνενα κι κχανγκιρί μπουτέ τροπόντζαρ. Λένγκε σουκάρ ιδιότητες ντα οντουλά σο νακχλέ πουμαρέ ζωγιάτε, ντένα ζορ ι πφραλέν ντα ι πφενίν κι κχανγκιρί. Εκτιμίνασα μπουτ οντουλέ πφραλέν ντα πφενίν σο ντένα πουμαρέ νεαυτόσταρ!

16. Σο ντικχένα ο πρεσβύτεροι εκχέ πφραλέστε για τι κερέν πρόταση τι αβέλ πρεσβύτερος ή διακονικός υπηρέτης;

¹⁶ Ο πρεσβύτεροι δεν πρέπει τι σακιντίνεν τι κερέν πρόταση τι αβέλ εκ πφραλ πρεσβύτερος ή διακονικός υπηρέτης σάντε επειδή να τζανέλα λατσσές ι τσσιπ σο κερντιόλα λάφι κι κχανγκιρί. Ο πρεσβύτεροι κα ντικχέν άμα ο πφραλ τθερέλα οντουλά σο βακερέλα η Γραφή ι πρεσβυτερόνγκε ντα ι διακονικέ υπηρετόνγκε, όχι καζόμ λατσσές τζανέλα ι τσσιπ σο κερντιόλα λάφι κι κχανγκιρί.​—1 Τιμ. 3:​1-10, 12, 13· Τίτο 1:​5-9.

17. Σο απόφαση πρέπει τι λεν ο νταντά ντα ο νταγιά κάνα τζάνα σαρ φαμιλί γιαβερέ τθεμέστε;

¹⁷ Μερικά πφραλά πουμαρέ φαμιλίντζαρ γκιλέ εκχέ γιαβερέ τθεμέστε για τι αρακχαβέν-πες ή για τι αρακχέν μπουτί. Ασακέ περιπτωσιέντε, ο τσσαβέ μπορεί τι τζάνα ακανά εκχέ σχολειόστε σο κερντιόλα λάφι η τσσιπ ι νεβέ τθεμέσκι σο μπεσένα. Μάλλον χρειαζίντιβελα εμ ο ντατ εμ η ντάι τι σικλιόν ι τσσιπ ι νεβέ τθεμέσκι για τι αρακχέν μπουτί. Σο αβέλα-πες όμως άμα οτθέ σο γκιλέ ισί εκ κχανγκιρί ή εκ όμιλος σο κερντιόλα λάφι λένγκι τσσιπ; Καλέ κχανγκιριάτε κα τζαλ η φαμιλί; Κι κχανγκιρί σο κερντιόλα λάφι η τσσιπ ι τθεμέσκι σο μπεσένα ή κι κχανγκιρί σο κερντιόλα λάφι λένγκι τσσιπ;

18. Σαρ μπορίνασα τι σεβάνας ι απόφαση σο κα λελ ο σορό ι φαμιλιάκο σαρ βακερέλα ο εδάφιος Γαλάτες 6:5;

¹⁸ Ο σορό ι φαμιλιάκο πρέπει τι αποφασίνελ καλέ κχανγκιριάτε κα τζαλ η φαμιλί. Πρέπει τι αποφασίνελ καβά ισί ο πιο λατσσό λέσκε φαμιλιάκε. (Διαβάνεν Γαλάτες 6:5) Αμέν πρέπει τι σεβάνας ι απόφαση σο κα λελ ο σορό ι φαμιλιάκο. Σο-ντα τι  αποφασίνελ, τι δεχτίνας ανταγιά απόφαση ντα τι σικαβάς αγάπη οντουλέ φαμιλιάκε.​—Ρωμ. 15:7.

19. Σο πρέπει τι σκεφτίνελ με προσευχή ο σορό ι φαμιλιάκο;

¹⁹ Μερικά φαμιλιά μπορεί τι υπηρετίνενα εκχέ κχανγκιριάτε σο κερντιόλα λάφι η τσσιπ ι νταντέσκι ντα ι νταγιάκι, αλλά ο τσσαβέ μπορεί μα τι τζανένα λατσσές οντιά τσσιπ. Οτθάρ, μπορεί τι δυσκολίντιβενα τι αγαβέν ο συναθροίσεις ντα αντικάς μπορεί μα τι αβέν πασέ κο Ιεχωβά. Σόσκε; Ανταβά μπορεί τι αβέλα-πες επειδή ο τσσαβέ τζάνα σχολείος κι τσσιπ σο κερντιόλα λάφι οντουλέ τθεμέστε ντα όχι κι τσσιπ σο κερέλα λάφι λένγκο ντατ ντα λένγκι ντάι. Ασακέ περιπτωσιέντε, ο σορέ ι φαμιλίνγκε πρέπει τι σκεφτίνεν με προσευχή σαρ κα βοηθίνεν πουμαρέ τσσαβέν τι αβέν πιο πασέ κο Ιεχωβά ντα λέσκε λαόστε. Κα χρειαζίντιβελ είτε τι βοηθίνεν-λεν τι σικλιόν λατσσές λένγκι τσσιπ είτε τι σκεφτίνεν τι τζαν εκχέ κχανγκιριάτε κι τσσιπ σο αγαβένα πιο λατσσές λένγκε τσσαβέ. Σο-ντα τι τραμπίνελ ο σορό ι φαμιλιάκο, ο πφραλά κι κχανγκιρί πρέπει τι κερέν οντουλέ φαμιλιά τι νιωθίνελ ότι σεβάνενα-λα ντα εκτιμίνενα-λα.

20. Σαρ μπορίνασα τι σικαβάς σεβασμός αμαρέ πφραλένγκε ντα πφενίνγκε σο σικλιόνα εκ νεβί τσσιπ;

²⁰ Σαρ ντικχλάμ, μπουτέ κχανγκιρίντε ισί πφραλά ντα πφενιά σο μαρένα-πες τι σικλιόν εκ νεβί τσσιπ. Ντα μπορεί τι αβέλ λένγκε δύσκολος τι βακερέν οντουλά σο σκεφτίνενα. Άμα όμως να ντικχάσα σάντε καζόμ λατσσές κερένα λάφι αμαρί τσσιπ, κα ντικχάς καζόμ μανγκένα ι Ιεχωβάς ντα καζόμ μανγκένα τι υπηρετίνεν-λες. Άμα κα ντικχάς ανταλά σουκάρ ιδιότητες, κα εκτιμίνας ντα κα σεβάνας ανταλέ πφραλέν ντα πφενίν. Να κα βακεράς: «Να τθεράβα-τουμέν ανάγκη» σάντε επειδή να κερένα λάφι λατσσές αμαρί τσσιπ.

21, 22. Καβά σουκάρ προνόμιος τθεράσα;

²¹ Ο Ιεχωβά ντινάς-αμέν ο σουκάρ προνόμιος τι τθεράς εκ μπουτί κι κχανγκιρί. Είτε ισινάμ μουρσά είτε τζουβλιά, είτε παντριμέ είτε εργένια, είτε τερνέ είτε πφουρέ, είτε κεράσα λατσσές λάφι εκ τσσιπ είτε να κεράσα, ισινάμ σημαντικοί ι Ιεχωβάσκε ντα ο εκ ι γιαβερέσκε.​—Ρωμ. 12:4, 5· Κολ. 3:​10, 11.

²² Οτθάρ, τι κεράς ο μπουτ σουκάρ πράγματα σο σικλιλάμ κατά παράδειγμας ι σωμάσκο σο βακερντάς ο Παύλος. Αντικάς, κα μανγκάς τι σικαβάς γιαβερέ-ντα τροπόντζαρ αμαρί εκτίμηση ι μπουτιάκε σο τθεράσα εμ αμέν εμ ο γιαβερά κι κχανγκιρί κι Ιεχωβάσκι.