Ι ΝΤΑΝΤΕΝΓΚΕ ΝΤΑ Ι ΝΤΑΪΝΓΚΕ
8: Τι Ντεν ο Λατσσό Παράδειγμας
ΣΟ ΜΑΝΓΚΕΛΑ ΤΙ ΒΑΚΕΡΕΛ
Ο νταντά ντα ο νταγιά σο ντένα ο λατσσό παράδειγμας κερένα οντουλά σο σικλιαρένα. Φιρειπείν, μα μπεκλεντίνεν τουμαρέ τσσαβέσταρ τι βακερέλ πάντα ι αλήθεια άμα ασουνέλα-τουμέν τι βακερέν: «Βάκερ λέσκε ότι να ισινόμ ατθέ», κάνα να μανγκένα τι κερέν λάφι εκχέ τζενέσαρ σο μπεκλεντίνελα τουμένγκε κι πόρτα.
«Μερικά τζενέ βακερένα ακαβά λάφι: “Κερ οντουβά σο βακεράβα ντα όχι οντουβά σο κεράβα”. Ανταβά λάφι όμως να νακχέλα κο χουρντέ. Ο χουρντέ γκίντενα σαρ σφουγγάρια σο-ντα βακεράσα ντα κεράσα, ντα κα βακερέν-λες αμένγκε κάνα αμαρό παράδειγμάς να ταιριάνελα οντουλέντζαρ σο προσπαθίνασα τι σικλιαράς-λεν».—Ντέιβιντ.
ΑΡΧΗ ΚΑΤΑ ΓΡΑΦΗ: «Τούι σο βακερέσα: “Μα τσορ”, τσορέσα;»—Ρωμαίους 2:21.
ΣΟΣΚΕ ΙΣΙ ΣΗΜΑΝΤΙΚΟΣ
Ο χουρντέ, αλλά ο τερνέ-ντα, επηρεάντιβενα πο μπουτ πουμαρέ νταντέσταρ ντα πουμαρέ νταγιάταρ παρά γιαβερέ τζενένταρ—ατζέ-ντα κατά γιαβερά τερνέ. Ανταβά μανγκέλα τι βακερέλ ότι τουμέν μπορίνενα πο μπουτ σαριλένταρ τι οδηγίνεν-λεν κο σωστός ντρομ—άμα βέβαια κερένα τουμαρέ ζωγιάτε οντουλά σο βακερένα.
«Μπορεί τι βακεράς κάτι αμαρέ τσσαβέσκε ή αμαρέ τσσαγιάκε σελ φαρ ντα πάλι μα τι αβάς σίγουροι ότι αγαντάς-λες. Αλλά ατζέ-ντα εκ φαρ άμα να κα κεράς οντουβά σο βακεράσα, κα βουρτίνελ τι βακερέλ-λες αμένγκε. Ο χουρντέ τσσουβένα σημασία σο-ντα κεράσα, ατζέ-ντα κο στιγμές σο αμέν να αγαβάσα-λες».—Νικόλ.
ΑΡΧΗ ΚΑΤΑ ΓΡΑΦΗ: «Η σοφία σο γουλίλα οπράλ . . . νανέ ντουέ μουένγκι».—Ιακώβου 3:17.
ΣΟ ΜΠΟΡΙΝΕΝΑ ΤΙ ΚΕΡΕΝ
Σκεφτίνεν σο κερένα τουμέν. Σο ντικχένα τουμέν για τι νακχέν λατσσές; Σαρ συμπεριφερίντιβενα τουμαρέ ρομνιάτε ή τουμαρέ ρομέστε ντα τουμαρέ τσσαβέντε; Σο αμαλέν τθερένα; Σκεφτίνενα ι γιαβερέν; Χάνικ λαφίντζαρ, κα μανγκένας τουμαρέ τσσαβέ τι μοιάζεν τουμέντε;
«Μο ρομ ντα με να ζορισκιαράσα αμαρέ τσσαβέν τι κερέν πράγματα σο να κεράσα αμέν».—Κριστίν.
Τι μανγκέν συγνώμη κάνα κερένα λάθη. Τουμαρέ τσσαβέ τζανένα ότι να ισινέν τέλειοι. Κάνα μανγκένα συγνώμη κάνα χρειαζίντιβελα—εμ τουμαρέ ρομέσταρ ή ρομνιάταρ εμ τουμαρέ τσσαβένταρ—σικλιαρένα-λεν τι αβέν τίμιοι ντα ταπεινοί.
«Αμαρέ τσσαβέ πρέπει τι ασουνέν-αμέν τι μουτθαβάς αμαρέ λάθη ντα τι μανγκάς συγνώμη. Άμα να κεράσα-λες ανταβά, κα σικλιόν τι γκεραβέν πουμαρέ λάθη».—Ρόμπιν.
«Αμέν ο νταντά ντα ο νταγιά, επηρεάνασα πο μπουτ σαριλένταρ αμαρέ τσσαβέν ντα αμαρό παράδειγμας ισί ο πο λατσσό εργαλείος σο τθεράσα σόσκε ντικχένα-λες κάθε ντιβές. Ισί εκ βιβλίος πάντα πουταρντό ντα σικλιόνα συνέχεια λέσταρ».—Γουέντελ.
