Μπουτ Ισραηλίτες αρχισάλε πάλι τι ντεν λατρεία κο είδωλα, οντουλέσκε ο Ιεχωβά μουκχλάς τι κερέν κουμάντος λένγκο τθεμ ο Φιλισταίοι. Αλλά ισινέ μερικοί Ισραηλίτες σο μανγκένας ι Ιεχωβάς. Εκ ανταλέ τζενένταρ ισινέ ο Μανωέ. Βοβ πι ρομνιάσαρ να τθερένας τσσαβέν. Εκ ντιβές ο Ιεχωβά μπουτσσαντάς εκχέ αγγελός κι ρομνί σο τθερέλας ο Μανωέ. Ο άγγελος βακερντάς λάκε: “Κα κερές εκχέ τσσαβές. Βοβ κα σώνελ ι Ισραηλιτέν κατά Φιλισταίοι. Κα αβέλ ναζηραίος”. Τζανέσα καλά ισινέ ο ναζηραίοι; Ισινέ ειδικοί υπηρέτες ι Ιεχωβάσκε. Ο ναζηραίοι δεν έπρεπε τι τσσινέν πουμαρέ μπαλά.

Αβιλό ο ντιβές, σο μπιάντιλο ο τσσαβό του Μανωέ, ντα νικαντέ λέσκε Σαμψών. Κάνα ο Σαμψών μπαριλό, ο Ιεχωβά κερντάς-λες τι αβέλ μπουτ ζουρανό. Μπορίνελας τι μουνταρέλ εκχέ λιονταρίς πι βαστέντζαρ. Εκ φαρ ο Σαμψών μουνταρντάς ντιπ κορκορό 30 τζενέν κατά Φιλισταίοι. Ο Φιλισταίοι μισίνενας-λες ντα ρόντενας τρόπους για τι μουνταρέν-λες. Εκ ιράτ σο ο Σαμψών σοβέλας κι Γάζα, γκιλέ ανγκλάλ κι μπαρί πόρτα σο τθερέλας η πόλη ντα μπεσλέ οτθέ μέχρι τι ντισιόλ για τι μουνταρέν-λες. Αλλά αντρέ κι ιράτ, ιστίντιλο ο Σαμψών, γκιλό κι μπαρί πόρτα κι πολιάκε ντα νικαντάς-λα κατά ντουβάρι. Βαντιντάς-λα πι πλατιέντε μέχρι κι κορυφή εκχέ βεσέσκι πασέ κι Χεβρών!

Πο σοράν, ο Φιλισταίοι γκιλέ κι Δαλιδά, σο τζουβντιόλας λάσαρ ο Σαμψών, ντα βακερντέ λάκε: “Κα ντας-τουτ μπερεκέτι λοβέ άμα κα σικλιός σόσκε ισί αζόμ ζουρανό ο Σαμψών. Μανγκάσα τι ασταράς-λες ντα τι τσσουβάς-λες φυλακή”. Η Δαλιδά μανγκέλας ο λοβέ, οτθάρ δεχτιντάς τι κερέλ-λες. Κι αρχή, ο Σαμψών να βακερέλας λάκε σόσκε ισινέ αζόμ ζουρανό. Αλλά επειδή βόι γκρινιάνελας συνέχεια, ο Σαμψών πφαριλό ντα μουτθαντάς λάκε πο μυστικός. Βακερντάς: “Να τθεράβα τσσιντό ποτές μο μπαλά επειδή ισινόμ ναζηραίος”. “Άμα κα τσσινάβ μο μπαλά, κα χασαράβ σαρί μι ζορ”. Ο Σαμψών κερντάς μπαρό λάθος σο βακερντάς-λες λάκε ανταβά, αντικάς νανέ;

Η Δαλιδά γκιλί αμέσως κο Φιλισταίοι ντα βακερντάς: “Τζανάβα λέσκο μυστικός!” Σοβκιαρντάς τον Σαμψών πι κοτσίντε, ντα σοράν τσσουντάς εκχέ  τζενές τι τσσινέλ ο μπαλά λέσκε. Η Δαλιδά ντινάς βίκος: “Σαμψών αβιλέ ο Φιλισταίοι!” Ο Σαμψών τζανγκάντιλο αλλά τθερέλας χασαρντό πι ζορ. Ο Φιλισταίοι ασταρντέ-λες, κορικιαρντέ-λες ντα τσσουντέ-λες φυλακή.

Εκ ντιβές, χιλιάδες Φιλισταίοι γκιντισάλεας κο ναός πουμαρέ ντεβλέσκο, σο βακέρντιβελας Δαγών, ντα ντένας βίκος: “Αμαρό ντεβέλ ντινάς αμαρέ βαστέστε τον Σαμψών! Ανέν-λες αβρί! Ελάν τι ασάς αμένγκε λέσαρ”. Τσσουντέ-λες κο μασκάρ ντουέ μπαρέ κολονέντε ντα πρασάνας-λες. Ο Σαμψών ντινάς βίκος: “Ιεχωβά, μολίναβα-τουτ τι ντες-μαν ζορ εκ φαρ ατζέ”. Όμως καζόμ ο Σαμψών ισινέ κι φυλακή λέσκε μπαλά μπαριλέας. Οτθάρ, ντινάς σπιλί ο κολόνες σο τθερέλας ο ναός σαρέ πι ζοριάσαρ. Σαρό ο ναός πελό, ντα μουλέ σαρέ ο τζενέ σο ισινέ αντρέ, αλλά μουλό εμ ο Σαμψών.