Εκ Ισραηλίτης σο βακερένας λέσκε Ελκανά τθερέλας ντουέ ρομνίν, ι Αννά ντα ι Φενιννά, αλλά μανγκέλας πο μπουτ ι Αννά. Η Φενίννα σο τθερέλας μπουτέ τσσαβέν πφαριαρέλας συνέχεια ι Αννά επειδή να τθερέλας τσσαβέν. Κάθε μπρες, ο Ελκανά γκερέλας πι φαμιλί κι σκηνή της μαρτυρίας κι Σηλώ για τι ντεν λατρεία ι Ιεχωβάς. Εκ φαρ, σο ισινέ οτθέ, ντικχλάς ι Αννά σο μανγκέλας-λα μπουτ ότι ισινέ μπουτ στεναχωριμέ. Βακερντάς λάκε: “Σε παρακαλώ Άννα, μα ροβ. Τθερέσα μαν. Μανγκάβα-τουτ μπουτ”.

Πο σοράν, η Άννα γκιλί τι προσευχίντιβελ κορκορί. Να μπορίνελας τι σταματίνελ τι ροβέλ καζόμ μολίνελας ι Ιεχωβάς τι βοηθίνελ-λα. Βακερντάς: “Ιεχωβά ντάβα-τουτ μο λάφι, άμα κα ντες-μαν εκχέ τσσαβές, κα νταβ-λες τούτε, ντα κα υπηρετίνελ-τουτ σαρί πι ζωή”.

Ο αρχιερέας Ηλεί ντικχλάς ι Αννά τι ροβέλ ντα αμντισάλο ότι ισινέ ματί. Η Άννα βακερντάς: “Όχι, κύριε, να ισινόμ ματί. Τθεράβα εκ σοβαρός πρόβλημας ντα βακεράβα-λες κο Ιεχωβά”. Ο Ηλεί αγαντάς ότι κερντάς λάθος ντα βακερντάς λάκε: “Μακάρι ο Ντεβέλ τι ντελ-τουτ οντουβά σο μανγκλάν”. Η Άννα νιωσάλι πο λατσσές ντα νασλί. Από αζομάν να νακχλό ούτε εκ μπρες, ντα η Άννα κερντάς εκχέ τσσαβές. Νικαντάς λέσκε Σαμουήλ. Μπορίνεσα τι ανές τι γκοντιάτε καζόμ χαρούμενη ισινέ η Άννα;

 Η Άννα να μπισταρντάς πο λάφι σο ντινάς κο Ιεχωβά. Κάνα τσσιναντάς τι ντελ πι τσσαβές τσουτσί, γκερντάς-λες κι σκηνή της μαρτυρίας για τι υπηρετίνελ οτθέ. Βόι βακερντάς κο Ηλεί: “Ακαλέ τσσαβέσκε προσευχίντιβαβας. Σαρέ λέσκε ντιβεσά δανείναβα-λες κο Ιεχωβά”. Ο Ελκανά ντα η Άννα τζάνας τι ντικχέν τον Σαμουήλ κάθε μπρες ντα γκερένας λέσκε εκ μπι-μπαένγκο παλτός. Ο Ιεχωβά ντινάς κι Άννα ατζέ τρινέ μουρσέν ντα ντουέ τσσαΐν.