Ο πρώτοι Χριστιανοί βακερντέ ο λατσσέ αμπέρια ι Βασιλειάκε ατζέ-ντα κο τθαν σο ισινέ πο ντουρ οπράλ κι πφουβ. Ο Ιησούς σικαβέλας λένγκε κατέ τι βακερέν ο λατσσέ αμπέρια ντα εκχέ θαυμάσαρ ντινάς-λεν ι ζορ τι κερέν λάφι διάφορα τσσιμπά για τι σικλιαρέν ι τζενέν λένγκε τσσιμπέντε. Ο Ιεχωβά ντινάς-λεν ο θάρρος ντα ι ζορ μα τι κερέν παλάλ κάνα ο γιαβερά τζάνας λέντζαρ μπουτ μπαρί κόντρα.

Ο Ιησούς κερντάς ι αποστολός Ιωάννης τι ντικχέλ εκ φαντασία σο σικαβέλας ι δόξα ι Ιεχωβάσκι. Εκχέ γιαβερέ φαντασιάτε, ο Ιωάννης ντικχλάς ι Βασιλεία σο ισί κο ουρανός τι νικίνελ ι Μπενγκές ντα τι καταστραφίνελ-λες για πάντα. Ο Ιωάννης ντικχλάς ότι ο Ιησούς ισινέ  Βασιλιάς ντα ο 144.000 ισινέ Βασιλιάδες γιεκ λέσαρ. Ο Ιωάννης επίσης ντικχλάς σαρί ι πφουβ τι αβέλ παράδεισος ντα οτθέ σαρέ τι ντεν λατρεία ι Ιεχωβάς αγαπημέ ντα ενωμέ.