Ο Ιησούς μουκχλάς μπαρό νάμι σαρό κο ντουνιάς. Μπουτ τζενέ τζανένα λέσκο ναβ, αλλά να τζανένα μπουτ πράγματα λέσκε, ντα κον ισί μπαγιά. Σο βακερέλα η Αγία Γραφή λέσκε;

1. Κον ισί ο Ιησούς;

Ο Ιησούς ισί εκ ζουρανό πνεύμας σο τζουβντιόλα κο ουρανός. Ο Ιεχωβά Ντεβέλ κερντάς-λες πο τζανγκλέ σαρέ κατά γιαβερά πράγματα. Οτθάρ, βακέρντιβελα «οντουβά σο κερντιλό πρώτος σαριλένταρ». (Κολοσσαείς 1:15) Η Γραφή βακερέλα ότι ο Ιησούς ισί ο “μοναδικός Τσσαβό” ι Ντεβλέσκο επειδή σάντε βοβ κερντιλό κατευθείαν κατά Ιεχωβά. (Ιωάννης 3:16) Ο Ιησούς κερέλας μπουτί γιεκ πι Νταντέσαρ, ι Ιεχωβάσαρ, καζόμ Βοβ λατσσαρέλας σαρέ ο γιαβερά πράγματα. (Διαβάνεν Παροιμίες 8:30) Ο Ιησούς ατζέκ ατζέκ τθερέλα λατσσί φιλία ι Ιεχωβάσαρ. Κερέλα πιστά μπουτί ι Ντεβλέσκε ντα βακέρντιβελα «ο Λάφι» επειδή μουτθαβέλα ο λάφια ντα ο οδηγίες ι Ντεβλέσκε.—Ιωάννης 1:14.

2. Σόσκε αβιλό ο Ιησούς κι πφουβ;

Πασέ 2.000 μπρεσά πο τζανγκλέ, ο Ιεχωβά αντράλ πι άγιε πνευμάσταρ κερντάς εκ θαύμας. Λιντάς ι Ιησούσκι ζωή κατά ουρανός ντα τσσουντάς-λα κο περ εκχέ τερνέ τζουβλιάκο, κι Μαριάκο σο ισινέ παρθένα. Ανταλέ τροπόσαρ, ο Ιησούς μπιάντιλο σαρ τζενό. (Διαβάνεν Λουκάς 1:34, 35) Ο Ιησούς αβιλό κι πφουβ για τι αβέλ ο υποσχεμέ Μεσσίας, δηλαδή ο Χριστός, ντα τι σώνελ ι τζενέν. a Σαρέ ο προφητείες σο βακερέλα η Γραφή ι Μεσσιάσκε νικίστιλε μπαγιά λέστε, για τι μπορίνεν ο τζενέ τι αγαβέν ότι ο Ιησούς ισί «ο Χριστός, ο Τσσαβό ι τζουβντέ Ντεβλέσκο».—Ματθαίος 16:16.

3. Κατέ ισί ο Ιησούς ακανά;

Κάνα ο Ιησούς μουλό σαρ τζενό, αναστισάλο σαρ πνεύμας ντα βουρτισάλο κο ουρανός. Οτθέ, «ο Ντεβέλ τσσουντάς-λες πο οπρέ». (Φιλιππησίους 2:9) Ακανά ο Ιησούς τθερέλα μπαρί εξουσία—σάντε ο Ιεχωβά ισί πο οπρέ λέσταρ.

 5. Σαρ σικάντιλο ότι ο Ιησούς ισινέ ο Μεσσίας

 ΧΑΝΙΚ ΛΑΦΙΝΤΖΑΡ

Ο Ιησούς ισί εκ ζουρανό πνεύμας. Ισί ο Τσσαβό ι Ντεβλέσκο ντα ο Μεσσίας.

Σο Σικλιλάν;

• Σόσκε βακέρντιβελα ο Ιησούς «οντουβά σο κερντιλό πρώτος σαριλένταρ»;

• Σο κερντάς ο Ιησούς πριν τι αβέλ κι πφουβ;

• Σαρ τζανάσα ότι ο Ιησούς ισί ο Μεσσίας;