Ο Ντεβέλ μανγκέλα σαρέ ο τζενέ τι πλησιάνεν-λες με προσευχή. (Ψαλμός 65:2) Αλλά να ασουνέλα σαρέ ο προσευχές. Για παράδειγμας, αν κάποιος να συμπεριφερίντιβελα λατσσές πι ρομνιάκε, μπορεί μα τι ασούντιβεν λέσκε προσευχές. (1 Πέτρου 3:7) Επίσης, όταν ο Ισραηλίτες κερένας μπέτι πράγματα χωρίς τι μετανιώνεν, ο Ντεβέλ να ασουνέλας λένγκε προσευχές. Σίγουρα, η προσευχή ισί εκ μπουτ μπαρό δώρος κατά Ντεβέλ. Άμα εκ τζενό σο κερντάας μπουτ σοβαρές αμαρτίες μετανιωσάλο, ο Ντεβέλ ασουνέλα ο προσευχές λέσκε.​—Διαβάνεν Ησαΐας 1:15· 55:7.

Ντικχ ο βίντεος Ασουνέλα ο Ντεβέλ Σαρέ ο Προσευχές;

Με τη προσευχή σικαβάσα αμαρί πίστη, οτθάρ πρέπει τι προσευχίντιβας μόνο οντουλέστε σο κερντάς-αμέν, κο Ιεχωβά. (Ματθαίος 4:10· 6:9) Επίσης, ισινάμ ατελείς ντα πρέπει τι προσευχίντιβας κι Ιησούσκο ναβ, επειδή βοβ μουλό αμαρέ αμαρτιένγκε. (Ιωάννης 14:6) Ο Ιεχωβά να μανγκέλα τι σικλιάς απ’ έξω προσευχές ή τι βακεράς συνέχεια ο ίδια λάφια, αλλά μανγκέλα τι κεράς προσευχή αμαρέ γκίσταρ.​—Διαβάνεν Ματθαίος 6:7· Φιλιππησίους 4:6, 7.

Ο Ντεβέλ ασουνέλα ατζέ ντα ο προσευχές σο κεράσα αντρ’ αμένταρ. (1 Σαμουήλ 1:12, 13) Ο Ντεβέλ βακερέλα αμένγκε τι προσευχίντιβας λέστε κάνα μανγκάσα, πρωί ή αρατί, κάνα χάσα ή κάνα τθεράσα προβλήματα.​—Διαβάνεν Ψαλμός 55:22· Ματθαίος 15:36.

Μπουτ τζενέ αντιβές να πακιάνα κο Ντεβέλ ντα πρασάνα ι υπόσχεση ι Ντεβλέσκι ότι κα αβέλ ειρήνη κι πφουβ, οτθάρ νανέ εύκολος τι κεράς οντουβά σο μανγκέλα ο Ντεβέλ. (2 Τιμόθεο 3:1, 4· 2 Πέτρου 3:3, 13) Άρα, για τι βοηθίντιβας ο εκ ι γιαβερέσαρ τι ατσσάς κι πίστη, πρέπει τι κεράς παρέα τζενέντζαρ σο πακιάνα κο Ιεχωβά.​—Διαβάνεν Εβραίους 10:24, 25.

 Η παρέα ι τζενέντζαρ σο μανγκένα ι Ντεβλές βοηθίνελα-αμέν τι πλησιάνας-λες. Κο συναθροίσεις σο κερένα ο Μάρτυρες του Ιεχωβά μπορίνενα τι βοηθίντιβεν κατά γιαβερένγκι πίστη.​—Διαβάνεν Ρωμαίους 1:11, 12.

Όταν σκεφτίνενα σοβαρά οντουλά σο σικλιόνα κατά Αγία Γραφή, μπορίνενα τι πλησιάνεν ι Ντεβλές πιο μπουτ. Τι σκεφτίνεν οντουλά σο κερέλα, ο συμβουλές ντα ο υποσχέσεις λέσκε. Όταν σκεφτίνασα σοβαρά με προσευχή οντουλά σο διαβάνασα, κα εκτιμίνας πιο μπουτ ι αγάπη ντα ι σοφία ι Ντεβλέσκι.​—Διαβάνεν Ιησούς του Ναυή 1:8· Ψαλμός 1:1-3.

Μπορίνενα τι τθερέν εκ λατσσί σχέση ι Ντεβλέσαρ, μόνο άμα τθερένα εμπιστοσύνη ντα σικαβένα πίστη λέστε. Πρέπει, όμως, τι κερέν τουμαρί πίστη πιο ζουρανί. Οντουλέσκε, πρέπει τι σκεφτίνεν συνέχεια σαρέ οντουλά σο σικλιλέν ντα κερντέ-τουμέν τι πακιάν κο Ντεβέλ.​—Διαβάνεν Ματθαίος 4:4· Εβραίους 11:1, 6.

Ο Ιεχωβά πφαμπόλα οντουλένγκε σο μανγκένα-λες. Μπορίνελα τι αρακχαβέλ-λεν σαρέ οντουλένταρ σο κα τσσουβέλας σε κίνδυνος ι πίστη ντα ι ελπίδα σο τθερένα για τι τζουβντιόν για πάντα. (Ψαλμός 91:1, 2, 7-10) Βακερέλα αμένγκε σο μα τι κεράς για τι τθεράς λατσσί υγεία ντα ευτυχία. Ο Ιεχωβά σικλιαρέλα-αμέν ο πιο λατσσό τρόπος τι τζουβντιάς.​—Διαβάνεν Ψαλμός 73:27, 28· Ιακώβου 4:4, 8.