Αν μαγκάσα τι χαιρίνελ ο Ιεχωβά, τι ασουνάς ατζέ εκχέ μπαρέ τζενές, σο κερντάς-λες ο Ντεβέλ εκ ζουρανό πνευματικός άγγελος κο ουρανός μπουτ μπρεσά πο ανγκλάλ κατάρ κο Αδάμ.

Νακλέ μπουτ μπρεσά, ο Ιεχωβά μπιτσαντάς-λες τι μπιάντιβελ κι Βηθλεέμ εκχέ τζουβλιάταρ σο ισινέ παρθένα, ι Μαρία. Ο χουρντό κα μπιάντιλο τσουντέλεσκε Ιησούς.​—Ιωάννης 6:​38.

Σαρ τζενό κι πφουβ, ο Ιησούς τθερέλας ο τέλειες ιδιότητες ι Ντεβλέσκε. Ισινέ λατσό, πφαμπόλας ι τζενένγκε ντα τζάνας πασέ λέστε. Να νταρέλας τι βακερέλ σαριλέντε ι αλήθεια κον ισινέ ο Ιεχωβά.

Ο Ιησούς Χριστός κερέλας λατσές ι νασφαλέν ντα τζουβντιαρέλας τζενέν σο ισινέ μουλέ.

Ο αρχηγοί ι θρησκιάκε μισίνενας ι Ιησούς Χριστός, σόσκε σικαβέλας ο χουχαΐματα σο σικλιαρένας ι τζενέν ντα ο πφιρνίματα σο κερένας.

Ο αρχηγοί ι θρησκιάκε τσουντέ τι νταπέν-λες ντα τι μουνταρέν-λες ο Ρωμαίοι.