Ο Μπενγκ ντα λέσκε δαίμονες να μανγκένα τι ντικχέν-τουμέν τι υπηρετίνεν ι Ντεβλές. Άμα κα μπορίνενας, κα νασκιαρένας σαρέ ι τζενέν κατά Ντεβέλ. Σαρ προσπαθίνενα τι κερέν-λες ανταβά; Εκ τρόπος ισί αντράλ κατά ψεύτικη θρησκεία. (2 Κορινθίους 11:​13-15) Όταν εκ θρησκεία να βακερέλα ι αλήθεια αντράλ κατά Αγία Γραφή, ισί ψεύτικη. Η ψεύτικη θρησκεία ισί σαρ ο πλαστά λοβέ​—μπορεί τι μοιάζενα αληθινά, αλλά να τθερένα αξία. Μπορίνενα τι ανέν τουμένγκε μπουτ προβλήματα.

Ο ψεύτικα λάφια σο βακερένα ο θρησκείες να κα μπορίνεν ποτές τι κερέν χαρούμενος ι Ιεχωβάς, σο ισί ο Ντεβέλ της αλήθειας. Όταν ο Ιησούς ισινέ κι πφουβ, μανγκένας τι μουνταρέν-λες μερικά τζενέ σο βακερένας ότι πακιάνας κο Ντεβέλ. Βον βακερένας ότι ο τρόπος σο πακιάνας ι Ντεβλές ισινέ σωστός. Βακερένας: «Εκχέ Νταντές τθεράσα, ι Ντεβλές». Μήπως συμφωνιντάς ο Ιησούς; Να! Βακερντάς λένγκε: «Τουμέν ισινέν τουμαρέ νταντέσταρ, κατά Διάβολος». (Ιωάννης 8:​41, 44) Αντιβές μπουτ τζενέ αμντίνενα ότι πακιάνα ι Ντεβλές, αλλά κι πραγματικότητα υπηρετίνενα ι Σατανάς ντα λέσκε δαιμονέν!​—1 Κορινθίους 10:20.

 Σαρ εκ σάπιος δέντρος τθερέλα χαλαντέ φρούτα, αντικάς η ψεύτικη θρησκεία-ντα τθερέλα τζενέν σο κερένα μπέτι πράγματα. Επειδή ο τζενέ κερένα μπέτι πράγματα, ο ντουνιάς ισί πφερντό προβλήματα. Αβένα φασαρίες, τσορίματα, μουνταρίματα, βιασμοί, κάποιοι τσσουβένα γιαβερέν τι κερέν πράγματα με το ζόρι, ντα μπουτ τζενέ τζάνα γιαβερέντζαρ. Μπουτ οντουλέ τζενένταρ σο κερένα μπέτι πράγματα τθερένα θρησκεία, αλλά λένγκι θρησκεία να βοηθίνελα-λεν τι κερέν ο λατσσό. Άμα να κα σταματίνεν τι κερέν μπέτι πράγματα, να κα μπορίνεν τι αβέν αμαλά ι Ντεβλέσκε.​—Ματθαίος 7:​17, 18.

Η ψεύτικη θρησκεία σικλιαρέλα ι τζενέν τι προσευχίντιβεν σε ψεύτικα πράγματα. Ο Ντεβέλ βακερέλα μα τι προσευχίντιβας πραγματέντε σο ισί ψεύτικα. Ανταβά ισί λογικός. Κα μπεϊντίνενας άμα κάποιος να κερέλας λάφι ποτές τουμέντζαρ, αλλά σάντε τουμαρέ φωτογραφιάσαρ; Κα μπορίνελας οντουβά τζενό τι αβέλ τουμαρό αληθινός αμάλ; Όχι. Ο Ιεχωβά μανγκέλα τι κερέν λάφι ο τζενέ σάντε λέσαρ ντα όχι τι κερέν λάφι σε αγάλματα ή σε εικόνες, σο να τθερένα ζωή.​—Έξοδος 20:4, 5.

Η ψεύτικη θρησκεία σικλιαρέλα ότι να πειράνελα τι μουνταρέν ι γιαβερέ τζενέν κο τζένγκια. Ο Ιησούς βακερντάς ότι ο αμαλά ι Ντεβλέσκε κα τθερένας αγάπη ο εκ ι γιαβερέσκε. Να μουνταράσα οντουλέ τζενέν σο μανγκάσα. (Ιωάννης 13:​35) Επίσης, κα αβέλας λάθος τι μουνταράς ατζέ-ντα οντουλέ τζενέν σο ισί γκεραλέ. Όταν ι Ιησούσκε ντουσμάνια αβιλέ τι ασταρέν-λες, βοβ να μουκχλάς πι μαθητέν τι χαν-πες λέντζαρ για τι αρακχαβέν-λες.​—Ματθαίος 26:​51, 52.

Η ψεύτικη θρησκεία σικλιαρέλα ότι ο πφιρνέ τζενέ κα βασανίντιβεν κι κόλαση με γιακ. Όμως, η Γραφή σικλιαρέλα ότι η αμαρτία ανέλα ο μεριπέ. (Ρωμαίους 6:​23) Ο Ιεχωβά ισί εκ Ντεβέλ σο μανγκέλα-αμέν. Κα βασανίνελας εκ λατσσό Ντεβέλ ι τζενέν για πάντα; Σίγουρα όχι! Κο Παράδεισος, κα υπαρχίντιβελ σάντε εκ θρησκεία, οντιά σο μανγκέλα ο Ιεχωβά. (Αποκάλυψη 15:4) Σαρέ ο θρησκείες σο βασίντιβενα κι Σατανάσκε ψέματα κα εξαφανίντιβεν.