Ο ΝΤΕΒΕΛ ντινάς κο Ιησούς ι ζορ τι κερέλ πράγματα σο να μπορίνενας τι κερέν ο γιαβερά τζενέ. Ο Ιησούς κερντάς μπουτ θαύματα ντα μπουτ φαρ κερέλας-λεν ανγκλάλ μπουτέ τζενέντε. Οντουλά θαύματα σικαντέ ότι ο Ιησούς τθερέλα ι ζορ τι νικίνελ ντουσμανίν ντα τι αντιμετωπίνελ προβλήματα σο καέκ ατελής τζενό να μπορισάλο τι αντιμετωπίνελ. Ντικχέν μερικά παραδείγματα.

Μποκχ. Ο πρώτος θαύμας ι Ιησούσκο ισινέ ότι κερντάς ο πανί λατσσί μολ. Επίσης, ντούι φαρ παρβαρντάς χιλιάδες μποκχαλέ τζενέν σάντε χάνικ μαντρέντζαρ ντα ματσσέντζαρ. Ο ντούι-ντα φαρ, ο χαμπέ ισινέ αζόμ μπουτ σο χαλέ σαρέ.

Νασφαλίματα. Ο Ιησούς σαστιαρντάς, δηλαδή κερντάς λατσσές, τζενέν «σο-ντα νασφαλιπέ τθερένας». (Ματθαίος 4:​23) Κερντάς λατσσές κορορέν, κασουκέν, τζενέν σο τθερένας λέπρα ντα οντουλέν σο τθερένας επιληψία. Επίσης, σαστιαρντάς μπανγκέν ντα τζενέν σο τθερένας πρόβλημας κο βαστά ή κο τσανγκά. Ο Ιησούς μπορίνελας τι κερέλ λατσσές εκχέ τζενές σο-ντα νασφαλιπέ τθερέλας.

Μπέτι καιρός σο ανέλα καταστροφές. Ενώ ο Ιησούς ντα λέσκε μαθητές ισινέ εκχέ καραβίστε κι Ντεριάβ της Γαλιλαίας, αβιλί εκ μπουτ μπαρί φουρτούνα. Ο μαθητές νταρασάλε μπουτ. Ο Ιησούς ντικχλάς ι φουρτούνα ντα βακερντάς: «Άτσσουβ! Ησύχανε!» Οντιά στιγμή η φουρτούνα ηρεμισάλι ντιπ. (Μάρκος 4:​37-39) Εκ γιαβέρ φαρ, ο Ιησούς πφιρντάς οπράλ κο πανί ενώ πφούντελας εκ μπουτ ζουρανί μπαρμπάλ.​—Ματθαίος 14:​24-33.

Δαίμονες. Ο δαίμονες ισί μπουτ πιο ζουρανέ κατά τζενέ. Μπουτ τζενέ να μπορισάλε τι νασέν κατά προβλήματα σο ανένα ο δαίμονες, σο ισί ντουσμάνια ι Ντεβλέσκε. Όμως, μπουτ φαρ ο Ιησούς ελευθερώνελας ι τζενέν σο κερένας-λεν κουμάντος ο δαίμονες ντα ντέλας-λεν εντολή τι νικιόν κατά τζενέ. Να νταρέλας λένταρ. Οκιά μπάνταρ όμως, βον νταρένας λέσταρ επειδή τζανένας ότι τθερέλας μπουτ μπαρί ζορ.

Μεριπέ. Καέκ τζενό ναστί μπορίνελα τι νικίνελ ο μεριπέ. Η Γραφή βακερέλα ότι ισί ο «τελευταίος ντουσμάνι». (1 Κορινθίους 15:​26) Ο Ιησούς, όμως, αναστιντάς μουλέν. Αντάς πάλι κι ζωή εκχέ τερνέ τσσαβές σο λέσκι ντάι ισινέ χήρα. Επίσης, όταν εκ ντατ ντα εκ ντάι ισινέ μπουτ λυπημέ επειδή μουλίας λένγκι χουρντί τσσάι, ο Ιησούς αναστιντάς-λα. Εκ γιαβέρ μπαρό θαύμας σο κερντάς ο Ιησούς ισινέ ότι αναστιντάς πι αγαπημέ αμαλές, ι Λαζαρός, παρόλο σο ισινέ μουλό σταρ ντιβεσά! Κερντάς-λες ανταβά ανγκλάλ μπουτέ λυπημέ τζενέντε. Ατζέ-ντα ο ντουσμάνια ι Ιησούσκε βακερντέ ότι κερντάς οντουβά θαύμας.​—Ιωάννης 11:​38-48· 12:​9-11.

Σόσκε κερντάς ο Ιησούς σαρέ οντουλά θαύματα; Να μουλέ σαρέ οντουλά τζενέ σο βοηθιντάς; Βα, αλλά οντουλένταρ σο κερντάς σικλιάσα κάτι μπουτ λατσσό. Σικλιάσα ότι σαρέ ο προφητείες σο βακερένας ότι ο Χριστός κα αβέλας λατσσό Βασιλιάς ισινέ μπαγιά. Τθεράσα μπουτ λόγους για τι πακιάς ότι ο Βασιλιάς σο τσσουντάς ο Ντεβέλ τι κυβερνίνελ μπορίνελα τι εξαφανίνελ ι μποκχ, ο νασφαλίματα, ο μπέτι καιρός σο ανέλα καταστροφές, ι δαιμονέν, ατζέ-ντα ο μεριπέ. Ο Ιησούς σικαντάς ότι ο Ντεβέλ ντινάς-λες ι ζορ για τι κερέλ σαρέ ανταλά θαύματα.

​—Στηρίντιβελα κο βιβλία Ματθαίος, Μάρκος, Λουκάς ντα Ιωάννης.