Ο Γράμμας σο Μπουτσσάντιλο κο Εβραίοι 4:1-16
4 Ο Ντεβέλ βακερέλα αμένγκε ότι τθεράσα ατζέκ ι ευκαιρία τι τσσουβάς-αμέν κο τθαν σο ξεκουράντιβελα. Οτθάρ, πρέπει τι προσοχίνας αμαρό νεαυτός για τι αβάς άξιοι τι τσσουβάς-αμέν.
2 Ο λατσσέ αμπέρια μουτθάντιλε αμέντε-ντα, σαρ μουτθάντιλεας λέντε-ντα. Αλλά ο λάφια σο ασουντέ να κερντέ λένγκε καέκ λατσσιπέ, επειδή να τθερένας ζουρανί πίστη σαρ οντουλά σο ντινέ καν.
3 Αμέν σο πακιαντάμ τσσουβάσα-αμέν κο τθαν σο ξεκουράντιβελα ο Ντεβέλ, αντικάς σαρ βακερντάς βοβ: «Οτθάρ, αντρέ μι χολιάτε λιντόμ ι απόφαση μα τι τσσουβέν-πες ποτές κο τθαν σο ξεκουράντιβαβα», παρόλο σο μπιτισκιαρντάας οντουλά σο κερντάς οτθάρ μπερί σο τσσουντάας ο θεμέλια ι ντουνιάσκε.
4 Για το έβδομος ντιβές η Γραφή βακερντάς ακαβά: «Ντα ο Ντεβέλ ξεκουράντιλο ο έβδομος ντιβές σαρέ οντουλένταρ σο κερντάς»,
5 ντα πάλι βακερντάς ότι να κα τσσουβέν-πες ποτές κο τθαν σο ξεκουράντιβελα.
6 Οντουλά σο ασουντέ πρώτοι ο λατσσέ αμπέρια να τσσουντέ-πες ανταλέ τθανέστε, επειδή να ντινέ καν. Μερικοί όμως μπορίνενα ατζέ τι τσσουβέν-πες ανταλέ τθανέστε.
7 Οτθάρ, σοράν από μπουτ βακίτι, ο Ντεβέλ βακερντάς κο ψαλμός κι Δαβιδίσκο, σαρ βακέρντιλο πο οπρέ ανταλέ γραμμάστε: «Ανταβά ντιβές,* άμα κα ασουνέν λέσκι φωνή, μα τι αβέλ σουκό τουμαρό γκι». Αντικάς, κερέλα πάλι λάφι εκχέ ντιβεσέσκε σο βακέρντιβελα «ανταβά ντιβές».*
8 Άμα ο Ιησούς του Ναυή κα γκερέλας-λεν κο τθαν σο ξεκουράντιβελα ο Ντεβέλ, να κα κερέλας λάφι ο Ντεβέλ γιαβερέ ντιβεσέσκε πο σοράν.
9 Άρα, ατσσόλα εκ «σάββατος» ι Ντεβλέσκε λαόσκε.
10 Ο τζενό σο τσσουντάς-πες κο τθαν σο ξεκουράντιβελα ο Ντεβέλ ξεκουράντιλο οντουλένταρ σο κερντάς, σαρ ξεκουράντιλο ο Ντεβέλ-ντα οντουλένταρ σο κερντάς.
11 Οτθάρ, τι κεράς ο πο λατσσό σο μπορίνασα για τι τσσουβάς-αμέν οντουλέ τθανέστε, ντα αντικάς καέκ μα τι κερέλ ο ίδια πράγματα οντουλέντζαρ σο να ντινέ καν.
12 Ο λάφι ι Ντεβλέσκο ισί τζουβντό ντα τθερέλα ζορ ντα τσσινέλα πο μπουτ σαρέ κατά σπαθιά σο τσσινένα κατά ντούι-ντα μεριές. Ερεσέλα αζόμ αντρέ εκχέ τζενέστε σο σικαβέλα σο ισί αβριάλ* ντα σο ισί αντράλ,* τζάλα ντιπ αντρέ κο κόκαλα* ντα κο μεδούλι ντα μπορίνελα τι σικαβέλ οντουλά σο σκεφτίνελα ντα μανγκέλα ο γκι.
13 Τίποτα οντουλένταρ σο λατσσαρντάς ο Ντεβέλ νανέ γκεραντό λέσταρ, αλλά σαρέ ο πράγματα ντικχίντιβενα ντα ισί ξεκάθαρα κο γιακχά οντουλέσκε σο πρέπει τι ντας λογαριασμός.
14 Αφού τθεράσα εκχέ μπαρέ αρχιερεάς σο γκιλό κο ουρανός, ι Ιησούς, ι Ντεβλέσκε Τσσαβές, τι συνεχίνας τι μουτθαβάς ότι τθεράσα πίστη λέστε.
15 Να τθεράσα εκχέ αρχιερεάς σο ναστί αγαβέλα ότι ισινάμ ατελείς, αλλά εκχές σο νακχλάς σαβέ τι μανγκές δοκιμασίες σαρ αμέν, αλλά χωρίς τι αμαρτίνελ.
16 Οτθάρ, τι τζας κο θρόνος κι Ντεβλέσκο σο σικαβέλα μπαρό λατσσιπέ ντα τι προσευχίντιβας κο Ντεβέλ χωρίς νταρ. Ντα αντικάς τι τζιτζίνελ* αμένγκε ντα τι σικαβέλ αμένγκε ανταβά μπαρό λατσσιπέ κάνα χρειαζίντιβασα βοήθεια.
Υποσημειώσεις
^ Κι Πουρανί Μπαλαμανί βακέρντιβελας «Αντιβές».
^ Κι Πουρανί Μπαλαμανί βακέρντιβελας «αντιβές».
^ Κι Πουρανί Μπαλαμανί βακέρντιβελας «αρθρώσεις».
