Ked jekh manuš ovela objavitelj, ov pristajini i međunarodno versko organizacija ando Jehovase svedokija – so uključini hem i lokalno skupština ando e Jehovase svedokija, i podružnica soj tani ko odova područje hem avera organizacije kola e Jehovase svedokija koristinena – premalo zakon te koristini oljese lična podatkija premalo peklje zakonska verska interesija. O objaviteljija dobrovoljno dena peklje lična podatkija pe skupštinače, sar soj tano opisimo ki knjiga Organizovano izvršavajmo Jehovinu volju, sar bi šaj te učestvujinen ko verska aktivnostija kola tane povezime odoljeja te vačeren andi oljengi vera hem te šaj ko duhovno pogledi te dobinen podrška (1. Petareso 5:2).

Dži učestvujinena ko avera verska aktivnostija, o objaviteljija šaj te den pana disave podatkija e Jehovase svedokonendže. Lična podatkija šaj te oven o nav hem o prezime, o datum ked hijan bijando, toklo pol (džuvlji, murš), o datum ked krstijan tut, kontakt informacije ja o informacije kola odnosinena pe ko duhovno stanje, ki služba ja andi uloga ki organizacija ando Jehovase svedokija. Esavke lična podatkija obuhvatinena hem o informacije kola odnosinena pe ko objaviteljese verska ubeđenja hem šaj te uključinen hem avera poverljiva hem lična podatkija. Te koristina o lična podatkija značini te čeda, te pisina, te organizujina, te arakha ljen hem avera buča kola koristinena pe te obradinen pe odola podatkija.

O zakon andi zaštita podataka ki akija Phuv tano:

Zakon o pravovaljanoj zaštiti podataka o ličnosti i Opšta uredba o zaštiti podataka o ličnosti (EU) 2016/679 (GDPR).

Premalo akava zakon andi zaštita podataka, o objaviteljija dena dozvola e Jehovase svedokonendže te koristinen oljenge lična podatkija ko verska svrhe, so uključini hem akava:

• te učestvujinen ko disavo sastanak ki skupština ando Jehovase svedokija ja ki disavi dobrovoljna aktivnost ja projekat.

• i odluka te učestvujini pe ko sastanak, pokrajnsko sastanak ja kongres kova snimini pe hem prenosini pe te šaj sa e Jehovase svedokonendže te del pe duhovno pouka.

• te čerel pe disavo zadatak ki skupština, so uključini te čhivel pe nav ja zaduženje ki oglasno tabla ki dvorana ando Jehovase svedokija.

• te vodinen pe o Skupštinska kartice ando objaviteljija.

• i služba koja čerena o starešine ando e Jehovase svedokija (Čeriba e apostolengo 20:28; Jakoveso 5:14, 15).

• te pisini pe o kontakt informacije kola ka koristinen pe ko hitna slučaja.

O lična podatkija ka arakhen pe kobor god valjani, te šaj te čeren pe o buča kola tane upre navedime ja odobor kobor o zakon odova rodela. Ako jekh objavitelj na magela te potpisini o formulari Obaveštenje hem saglasnost te obradinen pe o lična podatkija, e Jehovase svedokija možda na ka šaj te proceninen da li tano jekh objavitelji kaderi te čerel jekh buti ki skupština ja te učestvujini ki disavi versko aktvnost.

Ked valjani o lična podatkija šaj te bičhaljen pe ki nesavi organizacija koja so koristinena e Jehovase svedokija. O objaviteljija haljona so disave organizacije kola koristinena e Jehovase svedokija arakhena pe ko Phuvja kase zakonija koristinena averčhane načinja te arakhen o lična informacije kotar i Phuv ando kola tane bičhalde. Ama, o objaviteljija haljona so sa okola kola dobinena oljenge lična podatkija, a odola šaj te oven o organizacije kola arakhena pe ko glavno sedište ando Jehovase svedokija ko Sjedinjene Države, ka koristinen odola podatkija premalo Opšta pravilija andi privatnost ando Jehovase svedokija.

O objaviteljija ked mangena šaj te dikhen pe lična podatkija, te roden te kosen pe ja te na obradinen pe hem šaj te ispravinen bilo koja nepravilnost ko ljenge podatkija kola e Jehovase svedokija isi ljen. Ko svako momenti o objaviteljija šaj te na oven više saglasna te koristinen pe oljenge lična podatkija. Ako o objavitelj nane saglasno te koristinen pe oljese lična podatkija, e Jehovase svedokija šaj hem ponodri isi ljen pravo te koristinen nesave ando odola podatkija hem bizi saglasnost premalo zakonska verska interesija ko kola tane te arakhen pe hem te obradine pe o informacije kotar međunarodno članstvo ando Jehovase svedokija hem premalo Zakon ando zaštita podataka. O objaviteljija džanena so isi ljen pravo te uložinen i žalba ko organi kova tano zadužimo te arakhel o lična podatkija ki Phuv kuri akana bešena.

Te šaj te arakhen pe o lična podatkija e Jehovase svedokija koristinena razna procedure hem tehnička mere premalo Zakon ando zaštita podataka. O objaviteljija haljona so oljenge lična podatkija šaj te dikhen samo nesave ovlastime manuša sar bi šaj te ispunini pe i svrha andi obrada podataka.

Sa o pučiba šaj te bičhaljen pe e osobače koja tani zadužimi te arakhi o lična podatkija prekalo akava mejl:

DataProtectionOfficer.LT@jw.org.

O objaviteljija haljona so o kontakt informacije andi osoba so čerela e lično podatkijencar ki Phuv kuri bešena hem kuri šaj, ando predstavniko hem osoba koja tani zadužimi te arakhi o lična podatkija, šaj te arakhen pe ki stranica Zaštita ando kontaktija ko sajt jw.org.

Sar so nakhela o vreme šaj te ovel te menini pe o način ko kova obradina o lična podatkija sebepi so meninena pe amare verska aktivnostija, ja o zakon ja i tehnologija koja koristinaja. Ako ikad valjani te menina i stranica Te koristinen pe o lična podatkija, sa o promene ka čhiva ki akija stranica, te šaj o objaviteljija uvek te džanen kola informacije čedaja hem sar koristinaja ljen. Molinaja tut disavo puti dikh da li diso menindža pe ki akija stranica.