POČMIN O RAZGOVOR
LEKCIJA 3
Mothov šukaripe
Načelo: O mangipe tano šukar (1. Kor. 13:4)
So o Isus ćerđa?
1. Dikh o VIDEO ja čitin Jovan 9:1-7. Palo odova, razmislin ando akala pućiba:
-
a. Da li o Isus prvo saćarđa e korore manuše ili vaćerđa lese i šukar vest? (Dikh Jovan 9:35-38.)
-
b. So mislineja, sose odova manuš hine spremno te šunel e Isuse?
So sikljovaja ando Isus?
2. I osoba verovatno ka ovel spremno te šunel amen ako osetini so brininaja amen olatar.
Oponašin e Isuse
3. Mothov saosećanje. Probin te haljove sar odija osoba osetini pe.
-
a. Puć tut: Sostar šaj brinini pe? So šaj te pomožini laće? Odova ka pomožini tuće te mothove šukaripe ko jekh prirodno hem iskreno način.
-
b. Ako i osoba phenela tuće sar osetini pe ja vaćeri ando pe problemija, ma menin i tema. Ked pažljivo šuneja la, tegani ka mothove soj tano tuće bitno odova sostar vaćeri.
4. Vaćer ljubazno hem mothov poštovanje. Ako hijan saosećajno hem ako ćaće mangeja te pomožine la, odova ka šunđol ko to glaso. Pazin so hem sar vaćereja. Ma vaćer diso so ka povredini la.
5. Ov spremno te pomožine. Razmislin sar šaj te pomožine e osobaće ko praktično način. Ako hijam šukar premalo nekaste, verovatno odija osoba ka mangel te vaćeri amencar.
