3. DEO
Savo hine o đivdipe ko raj?
O Jehova dinđa but buća e Adamese hem e Evaće kola hine šukar (Postanak 1:28)
O Jehova ćerđa e prvo romnja, e Eva, hem dinđa la e Adamese te ovel olesi romni (Postanak 2:21, 22).
Ked o Jehova ćerđa len, olengi godi hem olengo telo hine savršeno, bizi mana.
On živinđe ko edensko vrt, ko jekh but šužo than, kuri hine reka, kašta pherde plodija hem životinje.
O Jehova vaćerđa olencar hem sikavđa len. Ked bi šunena hine e Jehova, on bi zauvek živinena ko raj ki phuv.
O Devel phenđa lenđe te na han o plod kotar jekh kaš (Postanak 2:16, 17)
Jekh ando anđelija pobuninđa pe protiv o Devel. Odova lošno anđeo tano o Satana, o Beng.
O Jehova mothovđa e Adamese hem e Evaće jekh ando kašta ko vrt hem phenđa lenđe te na han o plod ando odova kaš, sose ka meren.
O Satana na manglja o Adam hem i Eva te šunen e Jehova. Odolese ov prekalo sap phenđa e Evaće so ako hala kotar odova kaš, oj na ka merel nego ka ovel sar o Devel. Naravno, odova hine hovajbe (Postanak 3:1-5).
Dikhen hem akava
OSNOVNA BIBLIJAKE SIKLJOVIBA
Sose o Devel stvorinđa i phuv?
Amaro sveto tano but šužo. Ov tano smestimo ki pravo udaljenost andi phuv, bešela ko pravo ugao hem ked rotirini pe isi le pravo brzina. Sose o Devel odobor trudinđa pe te ćerel i phuv?
