But roditeljija sikavena pe čhaven te oven fizički čista. On phenena ljendže: „Thov te vasta. Čistin ti soba. Kos o pod. Forde o đubre.“ Ama, ko odredindža i čistoća te ovel diso but važno? Amaro sveto Devel, o Jehova (Iz 30:18-20; Pz 23:14; 2Ko 7:1). Ked amen ičeraja amaro telo hem sa amare buča čista, odoljeja slavinaja e Jehova (1Pe 1:14-16). Odova isto važini hem aso amaro čher hem amari okolina. Amen na hijam sar o manuša kola fordena o đubre ki ulica ja ko parkija, nego sar hrišćanja daja sa amendar te ičera čisto amari phuv (Ps 115:16; Ot 11:18). Čak ko tikne buča, sar soj tane da li fordaja o papirija ando bombone, o limenke ja o žvake, šaj te mothova sar dikhaja ki čistoća. Savi god buti te čera, mangaja te „preporučina amen sar e Devljese sluge“ (2Ko 6:3, 4).

DIKH O KRATKO FILM BOG VOLI ČIST NAROD HEM PALO ODOVA ODGOVORIN KO AKALA PUČIBA:

• Save izgovorija isi ljen disave sose na ičerena čista pe buča?

• Sar e Mojsijeso zakon mothovi sar o Jehova dikhela ki čistoća?

• Sar šaj bizo lafija te da svedočanstvo ando Jehova?