O sastankija tane but važna, sose ađahar služinaja e Jehovase (Ps 22:22). Ked hijam ko sastankija, amen hijam bahtale hem isi amen bare blagoslovija (Ps 65:4). O manuša kola proučinena i Biblija posigate napredujinena ked redovno avena ko sastankija.

Sar šaj te pomožine e manušese kasa proučineja te avel ko sastankija? Uvek vićin le te avel ko sastankija. Mothov lese o video Sar izgledinena o sastankija ki amari Dvorana? Vaćer lese sar o sastankija šaj te pomožinen lese (lff 10. lekcija). Šaj te phene lese so tu sikljiljan ko sastanko ja so ka ovel ko sastanko aver kurko. De le o publikacije kola koristinena pe ko sastanko. Isto ađahar, puć le da li valjani lese pomoć te avel ko sastanko. Šaj valjani lese prevoz. Ov sigurno so sa odova so ćereja ka isplatini pe ked ka dikhe sar prvo puti odova manuš avela ko sastankija (1Ko 14:24, 25).

DIKH O VIDEO POMOŽIN E MANUŠENĐE KOLENCAR PROUČINEJA – TE ĐAN KO SASTANKIJA HEM PALO ODOVA ODGOVORIN KO AKALA PUĆIBA:

• So i Nita koristinđa te šaj te vićini e Džejda te avel ko sastanak?

• Sose hijam bahatale ked o manuš kasa proučinaja avela ko sastankija?

• Sar i Džejd osetinđa pe ked prvo puti alji ko sastanko?