О мануша, колато дехен те тормозинен околен, ащи те марен амен или те дукхавен амен пе думенца. Он ащи даже те пречинен аменге те служинас е Йеховаске тай ако аме дарас лендар ащи те аравас амаро амалипе леса.

Бут таре Йеховаскере Свидетеля справисайле, кана декхой тормозинелас лен, соскето мукле пес е Йеховаске андо васта. (Пс 18:17) Например и Естир, без те дарал, пхенгяс е цариеске со мангелас те керел йекх бут кханило мануш, колескоро алав сине Аман. (Ест 7:1-6) Ама англал те хоратинел, сикавгяс кай мукел пес е Йеховаске андо васта, като първо трин диеса постингяс, демек на халяс тай на пиляс нищо. (Ест 4:14-16) О Йехова благословингяс о букя, колато кергяс ой тай защитингяс ла тай пе народос.

Ако декхой тормозинел тут-да, пхен е Йеховаске те помагинел туке тай хоратине декхаса, ковато си по-баро тутар тай ащи те помагинел туке, например те дадеса тай ти даяса. Ов сигурно, кай о Йехова ка помагинел туке-да, сарто помагингяс е Естираке. Со авер ащи те керес, кана декхой тормозинел тут?

ДИКХ О КЛИПИ „ЖИВОТЪТ МИ КАТО ТИЙНЕЙДЖЪР: КАК ДА СЕ СПРАВЯ С ТОРМОЗА В УЧИЛИЩЕ?“ ТАЙ ОТГОВОРИНЕ КАЛКЕ ВЪПРОСИЕНГЕ:

• Со ащи те сикльовен о терне таро Чарли тай тари Ферин?

  То отговори

• Со ащи те сикльон о родителя таро букя, колато пхенде о Чарли тай и Ферин, далкхеске сар ащи те помагинен пе чшавенге, кана декхой тормозинел лен?

  То отговори