АЧШОВ ПО-ЛАЧШО ПРОПОВЕДНИКИ | БАРЯР ТИ ЛОШАЛИ ТАРИ СЛУЖБА
Използвине о букя, колато помагинен аменге те изучинас и Библия
О Йехова дел амен букя, коленца те сикавас околен по-лачшес, сар о клиповя, о трактатя, о списания, о брошурес, о книгес тай о най-важно варесо, и Библия. (2Ти 3:16) Дел амен инструменкя-да, колато помагинен аменге те изучинас и Библия, за те ащи те обяснинас ла по-лачшес, сарто например и електронно библиотека Watchtower Library, о приложение JW Library®, и ОНЛАЙН БИБЛИОТЕКА „Стражева кула“ тай о „Справочники е Йеховаскере Свидетеленгере лиленге“.
Ка овел тут бари лошали, кана използвинес саворе букя, колато иси, за те изучинес по-хор и Библия. Сикав е манушен-да, коленца изучинес и Библия, те използвинен далкха инструменкя. Чука он-да ка лошанен, кана коркоре ка ахальовен по-лачшес о букя тари Библия, колато манген те жанен.
ДИКХ О КЛИПИ „ИЗПИТАЙТЕ РАДОСТТА ДА ПРАВИТЕ УЧЕНИЦИ — ПРИЕМАЙТЕ ПОМОЩТА НА ЙЕХОВА: ИЗПОЛЗВАЙ ИНСТРУМЕНТИТЕ ЗА ИЗСЛЕДВАНЕ“ ТАЙ ОТГОВОРИНЕ ДАЛКХЕ ВЪПРОСИЕНГЕ:
-
Соса на ули съгласно и Джейд, кана хоратиненас далкхеске сар уле керде саворе букя?
-
Кате и Нита родингяс информация далкхеске?
-
Бут лошанас, кана аракхас златна мислес тари Библия тай пхенас лен околенге-да
Сар избирингяс сави информация ка овел шукар е Джейдаке?
-
Сар чувствинелас пес и Нита, кана използвингяс о букя, колато помагинен аменге те изучинас и Библия?
