Е Исусескоро ученики, о Яков, пхенгяс, кай и Библия си сар аняс, колесте ащи те дикхас саве мануша синям андрал. (Як. 1:22-25) Сар те използвинас шукар и Библия сар аняс?

Четине ла внимателно. Ако дикхас амен само набързо андо аняс, ащи те на дикхас, кай нещо аменде на дикхьол сарто требе. Ако сигярас, кана четинас и Библия-да, ащи те на дикхас со требе те променинас аменде. За те дикхас калка букя, требе те четинас и Библия внимателно.

Дикх тут, а ма околен. Подекхана, кана дикхас амен ко аняс, ащи те дикхас авере манушен-да тай те започнинас те мислинас со нанай шукар ленде. Кана четинас и Библия-да, ащи те мислинас со требе те променинен окола. Ама давкха нанай те помагинел аменге те ачшовас по-лачше мануша.

Ма мислине, кай требе те овес съвършено. Ако дикхас амен ко аняс тай мислинас само е букиенге, колато на харешинас аменде, нанай те овел аменге шукар. Кана четинас и Библия-да, требе те дикхас со мислинел о Йехова аменге тай те на мислинас, кай требе те овас съвършена. (Як. 3:17)