Четине Йеремия 38:1-13, за те дикхес кибор смела сине о пророки Йеремия тай о евнухи Авдемелех.

Ахальов со ачшило тогава. Сар о Йеремия сикавгяс смелост, кана пхенгяс е манушенге со мангел те пхенел ленге о Йехова? (Йер. 27:12-14; 28:15-17; 37:6-10) Со керде о мануша, кана о Йеремия пхенгяс ленге давкха? (Йер. 37:15, 16)

Роде по-хоресте. Со мангенас о мануша те керел о Йеремия? (jr-BL 26-27, абз. 20-22) Дикх за соске сине използвиме о бунаря тай саве сине он калке диесенде. (w11-BL 1/1 19; w08-BL 1/6 15, блокът) Сар чувствинелас пес о Йеремия, кана сине калке бунариесте тай сине цело анди чик? Состар ащине те дарал о Авдемелех? (w12-BL 1/5 31, абз. 2-3)

Со ащи те сикльовес? Пуч тут:

• Со сикльовав далкхеске сар о Йехова пазинел пе верноне служителен? (Пс. 97:10; Йер. 39:15-18)

• Кана ме-да ка требе те сикавав смелост?

• Сар ащи те ачшовав по-смело, за те керав со си лачшо е Девлеске андо якха, кана о мануша си мамуй манде? (w11-BL 1/3 30) a