Сар те овел тут най-бари полза таро библейска урокя
Първо дикх со пишинел по-нателе тай после дикх о КЛИПИ.
ПЪРВО ЧАСТ
За те подготвинес тут секоне урокиеске, четине и първо страница. О въпрося (1) тай о стиховя (2), колато си пишиме по-кале буквенца, сикавен кола си о най-важна мислес. Англал десаве стиховиенде пишинел „четине“, ковато сикавел, кай требе те четинес лен.
ВТОРО ЧАСТ
О първа думес (3) ки част Роде по-хоресте сикавен со ка ахальовес тари второ част. О подзаглавия (4) сикавен кола си о най-важна букя таро уроки. Е манушеса, колеса изучинес четинен о стиховя, хоратинен е въпросиенге тай дикхен о клиповя.
КЛИПИ: О клиповя тай о запися помагинен туке те ахальовес по-бут букя. Десаве таро клиповя сикавен со наистина ачшило десаве манушенца, а авер сикавен букя, колато ащи те ачшон амаре животосте.
Дикх внимателно о снимкес тай о картинкес тай четине со пишинел телал ленде (5). Мислине сар ка отговоринес, ако декхой пхенел туке о букя таро блокчес Десаве мануша пхенен (6).
ПОСЛЕДНО ЧАСТ
Ко крайос пишинел Со сиклилям таро уроки тай иси въпрося, колато сикавен кола си О най-важна букя таро уроки (7). Пишине и дата, колате свършингян о уроки. Ко блокчес Со те керес (8) иси задача, която помагинел туке те керес со сиклилян таро уроки. Ко блокчес Ахальов по-бут (9) иси авер-да букя, колато ако мангес, ащи те четинес или те дикхес.
Сар те аракхес о стиховя анди Библия
Анди Библия иси 66 по-цикне лила. Ла иси дуй часкя: О еврейско-арамейска писания (О пурано завети) тай О християнска гръцка писания (О нево завети).
Кана пишинел десаво стихи, първо пишинел о алав е лилескоро (А), и цифра палал лесте си о шеро (Б), а после си о стихи или о стиховя (В).
Например, кана пишинел Йоан 17:3, кавка си о Евангелие таро Йоан, 17 шеро, 3 стихи.
