15 Уроки

Е Девлескере амала керен давкха ковато си лачшо

Кана иси тут амал ковато бут саидинес, ка дикхес те овес сар лесте. „О Йехова си лачшо тай чачуно,“ пхенел и Библия. (Псалм 25:8) Те мангаса те овас Девлескере амала требе те овас лачше тай чачуне. И Библия вакерел: „Овен сар о Дел, сар лескере дехане чшаве, тай живинен дехибаса.“ (Ефесяни 5:1, 2) Аке сар те керас давкха:

Аканде е аверен. „Те керас лачшипе саворенге.“ (Галатяни 6:10)

Ов букярно. „О чорно те на чорел побут, по–шукар си те овел букярно, тай те керел пе вастенца лачше букя.“ (Ефесяни 4:28)

Ов шужо снагаса тай морално. „Те шужарас амен тар секо снагакоро тай солухескоро мелалипе, тай дараса таро Дел те керас съвършено амари святост.“ (2 Коринтяни 7:1)

 Сикав дехиба тай саидиба андо семейство. „Нека секо екх тумендар ... те дехел пе ромня сар дехел пес коркорес, а е ромня требе те овел ла баро саидиба пе ромеске. Чшавален, шунен тумаре даен тай тумаре даден.“ (Ефесяни 5:33 — 6:1)

Сикав дехиба аверенге–да. „Те дехас амен екх екхес, соске о дехиба си таро Дел.“ (1 Йоан 4:7)

Шун е тхемескере законя. „Нека секо екх те подчининел пес е гомаленге. ... Секонесте ден каске со перел пес, каске данъко, данъкос.“ (Римляни 13:1, 7)