But siem bahtale so isi amen i nevi brošura hem o nevo lil te šaj te vodina bibliska kursija! Molinaja amen e Jehovaske te nagradinel amaro trudo te kera poviše učenikija (Mt 28:18-20; 1Ko 3:6-9). Sar te koristina o neve publikacie?

Adaleske so i nevi publikacija Ov bahtalo zasekogaš, isi la nevo način sikajbaske, sledin o osnovna upatstvija džikote spreminea tut hem džikote vodinea biblisko kursi. *

• Čitinen o materijali hem diskutirinen bašo pučiba

• Čitinen o stihija kote so pišinela „čitin“, hem pomožin e interesenteske te primeninel len

• Mukh o videoklipija hem diskutirinen baši lende agjaar so ka koristine o pučiba soj dende

• Trudin tu te nakhave celo lekcija taro jekh puti

Ki služba, prvo nudin i brošura te šaj te dikhe dali e manuše isi le interes. (Dikh i ramka „ Sar te nudine i brošura Ov bahtalo zasekogaš keda kerea lafi nekasaja prvo puti“.) Ako završingjan e interesentea i brošura hem ov mangela te prodolžinel te proučinel, tegani nudin leske o lil hem počminen tari lekcija 04. Ako nekasaja više proučinea o lil So sikavela amen ili Ačhov ko e Devleskoro mangipe, prefrlin tut ko lil Ov bahtalo zasekogaš, hem odlučin kotar ka počminen.

DIKH O VIDEOKLIPI ŠUKAR ALJAN KO TLO BIBLISKO KURSI, A PALO ADAVA ODGOVORIN KO AKALA PUČIBA:

• So ka sikljoven o interesentija taro nevo lil?

• Soske valjani te sikave akava videoklipi e neve interesentenge?

• Kola celija šaj te ohrabrine e interesente te čhivel peske hem te ispolninel len? (Dikh i tabela „ Tema hem celija bašo sekova delo”.)