4:16-18

Zamislin tuke duj familie kola so živinena ki jekh purani zgrada koja soj ki but lošno sostojba. Jekh familija lendar tani but razočarimi, hem adava tano normalno. Ama, interesno tano adava so i javer familija tani bahtali. Soske? Adaleske so adaja familija panda hari ka selinel pe ko nevo hem šužo kher.

Iako „sa o stvorime bukja tažno rovena hem tane ki dukh sa dži akana“, e Devleskere slugen isi len nadež koja so dela lenge sila te šaj ponadari da te džan angle (Ri 8:22). Amen džanaja kaj o nevolje so isi amen akana, pa čak okola so mučinena amen beršencar, tane momentalna hem lokhe ako sporedinena pe e večno životoja ko e Devleskoro nevo sveto. Adava so ka razmislina bašo bereketija so ka anel e Devleskoro Carstvo ka pomožinel amenge te ova bahtale hem te na otkažina amen.