Te šaj te oven e Jehovaja amala, o interesentija mora te birinen šukar društvo (Ps 15:1, 4). O šukar društvo ka pomožinel lenge te keren adava soj ispravno (Iz 13:20; lff lekcija 48).

Ov sočuvstvitelno džikote pomožinea e interesentenge te izbeginen o lošno društvo. Šaj ka ovel lenge pharo te čhinaven te družinen pe pumare amalencar taro sveto. Adaleske, sikav lenge interes ko javera da dive, a na samo keda proučinea lencar. Šaj te bičhale lenge poraka, te javine tut lenge ili te posetine len. Sar so napredujnena, šaj te pokanine len te družinen pe e javerencar taro sobranie. Tegani ola jasno ka dikhen kaj dobinena poviše nego so našavena (Mr 10:29, 30). Tu da ka ove bahtalo džikote dikhea sar e Jehovaskiri familija bajrola.

DIKH O KLIPI POMOŽIN TLE INTERESENTENGE TE IZBEGINEN LOŠNO DRUŠTVO, A PALO ADAVA ODGOVORIN KO AKALA PUČIBA:

• Soj tano lošno društvo? (1Ko 15:33)

• Sar zamislingja peske i Džejda o družibe e phralengoro hem e phenjengoro?

• Sar pomožingja i Nita e Džejdake te izbeginel o lošno društvo?