Čačutni vera ko Devel — anela bahtalo dživdipe

Akaja brošura sikavela sar o manuša taro različna phuvja šaj te oven bahtale agjaar so ka bajraren pli vera.

Uvod

But manuša arakhle o odgovorija bašo akala pučiba.

1 LEKCIJA

Dali o Devel interesinela pe amenge?

Avdive o sumnal tano pherdo problemencar. Šaj tute da isi tut problemija sekova dive? Koj šaj te pomožinel amen? Interesinela pe li nekoj amenge?

2 LEKCIJA

So značinela te ovel amen čačutni vera ko Devel?

Isi but manuša so verunjena ko Devel ama namerno kerena lošna bukja. Te ovel amen čačutni vera ko Devel na značinela samo te verunja kaj isi Devel.

3 LEKCIJA

Sovetija so kerena o dživdipe te ovel pošukar

O mudra sovetija taro e Devleskoro Lafi pomožingje bute dženen te rešinen pumare problemija ko brako, te na holjanen sigate, te na len droga hem te dikhen šukar ko manuša taro javera rase.

4 LEKCIJA

Koj tano o Devel?

O manuša služinena bute devlenge, ama e Devleskoro Lafi sikavela kaj isi samo jekh has Devel.

5 LEKCIJA

Te cenina e Devleskere but šukar osobine

E Devleskoro Lafi sikavela kaj e Devle isi le but šukar osobine hem agjaar pomožinela amenge te pendžara le.

6 LEKCIJA

Soske o Devel kergja i Phuv?

E Devleskoro Lafi vakerela kaj o Devel na kergja i Phuv bizi cel, nego kergja la te dživdinel pe ki late. Ama dali ov mangela o bukja te oven sar soj avdive?