Саве проблеменцар боринеа тут секова диве? Дали сиан фамилијарно поглавари со иси ле бут обврске? Дали ваљани коркори те бајраре тле чхавен хем едвај успејнеа те икљове ко крајо адалеа? Дали сиан терно хем соочинеа тут малтретирибаја ки школа таро тле соученикија? Дали иси тут проблемија е састипаја хем сиан ко пхуре берша? Секова јекх амендар боринела пе несаве проблеменцар. Бут христијања, ко исто време соочинена пе повише проблеменцар. Сепак, џанаја кај панда хари о Јехова ка ослободинел амен таро са о проблемија (2Ко 4:16-18).

Џикоте авела адава време, утешно тано со џанаја кај о Јехова џанела таро со накхаја хем кај ценинела амари верност хем истрајност хем кај ка дел амен бут берекетија (Ере 29:11, 12). О Исус да тано заинтересиримо секоле јекхеске амендар. Ов уверинела амен кај ка овел аменцар џикоте кераја амаре христијанска одговорностија (Мт 28:20). Кеда одвојнаја време хем хор размислинаја баши слобода која со аџикерела амен ки иднина кеда ка владинел е Девлескоро Царство, амари надеж овела позорали хем решиме сием те истрајна ко неволје (Ри 8:19-21).

ДИКХ О ВИДЕОКЛИПИ ЏИКОТЕ АВЕЛА СА ПОПАШЕ И БУРА, ТЕ НА ЦИДА АМАРЕ ЈАКХЈА ТАРО ИСУС! — БЕРЕКЕТИЈА СО КА АНЕЛ Е ДЕВЛЕСКОРО ЦАРСТВО, А ПАЛО АДАВА ОДГОВОРИН КО АКАЛА ПУЧИБА:

• Сар о мануша цидинѓе пе таро Девел хем кола сине о последице?

• Сави иднина аџикерела околен сој тане верна е Јеховаске?

• Соске шај те овел амен асавки шужи иднина?

• Кола берекетија едвај аџикереа ко нево свето?