Дали мангеа те овел тут побари корист таро лично проучибе? Аке некобор предлогија со шај те поможинен туке пошукар те концентририне тут кеда проучинеа:

• Бирин шукар тхан. Ако шај, аракх тхан со нане ле бут буќа хем со иси ле побари светлина. Шај те беше ко астали или шај те бирине несаво удобно тхан авријал.

• Аракх тхан коте со ка шај те ове коркори. О Исус молинѓа пе рано сабајле „ко јекх тхан коте со шај сине те овел коркори“ (Мар. 1:35). Ако нашти те ове скроз коркори, шај те вакере тле кхерутненге или тле цимереске кеда ка проучине хем те замолине лен те на сметинен тут ко адава време.

• Ачхов концентриримо. Избегин буќа кола со шај те лен тло внимание. Ако проучинеа ко телефони или ко таблет, ачхав о звуко те шај на сметинен тут о пораке или чхив ле ко авионско режим. Ако сетинеа тут кај ваљани нешто те кере, пишин туке негде адава те шај те кере ле покасно. Ако перела тли концентрација, кер пауза те шај те пхире или те мрдине хари.