„О Девел . . . ка косел секоја асвин таро ленгере јакхја, хем мерибе нане те овел, ни жалибе, ни ројбе, ни дукха“ (Откровение 21:3, 4).

Ка ове сигурно кај о Девел на анела аменге о проблемија (Јаков 1:13).

Ка овел туке полокхе кеда џанеа кај о Девел хаљола сар и аменге кеда цидаја муке (Захарија 2:8).

Ка овел ту надеж кај са е мукенге ка авел крајо (Псалм 37:9-11).

Оја, најхари таро дуј причине:

• О Девел мрзинела и неправда хем о буќа со анена муке. Сар сине е Јеховаске кеда лескоро народо ко пурано вакти сине мучимо? И Библија вакерела кај леске сине пхаро башо адава (Судиите 2:18).

  О Девел на мангела околен со керена билачхипа е јаверенге. На пример, ки Библија пишинела кај „о васта колендар со тхавдела рат е невина манушенгоро“ тане леске гадна (Изреки 6:16, 17).

• О Девел грижинела пе секоле манушеске. На само со секова амендар коркори џанела пи мука хем пи дукх, него о Јехова да џанела адава! (2. Летописи 6:29, 30).

  Преку по Царство, панда хари о Јехова ка чхинавел секоле манушескере муке (Матеј 6:9, 10). Џи тегани, ов мангипаја утешинела околен со искрено родена ле (Дела 17:27; 2. Коринќаните 1:3, 4).