Увод башо 10 дело
О Јехова тано о најбаро Цари. Ов шај те керел са хем шај те заштитинел пле верна слуген тари било која ситуација. На пример, ов спасинѓа е Еремија те на мерел ки хор дупка. Исто аѓаар, о Седрах, о Мисах хем о Авденаго сине спасиме тари печка јагаја, а о Даниел таро лавија. О Јехова заштитинѓа е Естира те шај те спасинел пле народо. О Јехова нане те мукхел о лошна буќа те овен засекогаш. О пророштво башо баро кипи хем башо о баро каш тане доказ кај е Девлескоро Царство панда хари ка анел крајо е лошна буќенге хем кај ка почминел те владинел ки Пхув.
КО АКАВА ДЕЛО
57 ЛЕКЦИЈА
О Јехова бичхалѓа е Еремија те проповединел
О старешине тари Јуда бут хољанѓе башо адава со вакерѓа акава терно пророко.
58 ЛЕКЦИЈА
О Ерусалим тано уништимо
О народо тари Јуда понадари да служинена сине ховавне девленге, адалеске о Јехова цидинѓа пе лендар.
59 ЛЕКЦИЈА
Штар терне чхаве ачхиле верна
Терне еврејска чхаве тане одлучна те ачхон верна е Јеховаске, чак ки царско палата е Навуходоносорескири ко Вавилон.
60 ЛЕКЦИЈА
Царство со ка владинел засекогаш
О Даниел објаснинѓа о суно со дикхља ле о Навуходоносор.
61 ЛЕКЦИЈА
О трин Евреија на поклонинѓе пе
О Седрах, о Мисах хем о Авденаго одбинѓе те обожавинен о вавилонско златно кипи.
64 ЛЕКЦИЈА
О Даниел ки е лавенгири дупка
Молин тут е Јеховаске секова диве сар со керела сине о Даниел!
66 ЛЕКЦИЈА
О Езра сикавела башо Закони
Откеда о Израелција шунѓе е Езра, денѓе посебно ветување е Девлеске.
67 ЛЕКЦИЈА
О ѕидија околу о Ерусалим
О Неемија шунѓа кај лескере душмања мангена те нападнинен лен. Соске ов дарандило?
