LEKCIJA 15
Sikav, hoj paťas oleske, so vakeres
1. Tesaloničanom 1:5
SO ODA HIN: De duma avka, kaj aver te dikhen, hoj zorales paťas, hoj o lava, so vakeres, hine čačipnaskere a igen dvoležita.
SAR KADA TE DOCHUDEL:
-
Ker tuke lačhi priprava. Modľin tut pal o svato duchos. Študin tuke kije oda ajci, dokim na achaľoha, sar ola hlavna mišľenki višvetľinel e Biblija. Paľis rozmišľin, sar bi pes denas te phenel kala hlavna mišľenki ča vajkeci loke lavenca. Rozmišľin, sar ola mišľenki pomožinena olenge, so tut šunena.
-
Vaker lava, savendar dičhola, hoj paťas oleske, so vakeres. Vaker peskere lavenca. Oda hin feder sar ča te opakinel oda, so hin pisimen. Phen tiš ajse lava, so mek buter hazden upre oda, hoj oleske paťas. (Dikh napriklad Rimanom 8:38.)
-
Vaker le jilestar. Vaker avka, kaj tut savore te šunen. Sar vakeres, dikh pro manuša.
