LEKCIJA 12
Rozmišľin, so predživen a sikav o jilo
1. Tesaloničanom 2:7, 8
SO ODA HIN: Vaker avka, kaj ola, so tut šunen, tutar te ciťinen, hoj len rado dikhes a hoj lenge kames ča lačho.
SAR KADA TE DOCHUDEL:
-
Rozmišľin pal o manuša, so tut šunena. Rozmišľin, so zadživen a sar pes ciťinen, kaj te džanes te el jileskero.
-
De pozoris, sar vakeres. Ker sa predal oda, kaj le manušen te podhazdes, te des zor, kaj lenge te na el phares pro jilo. Ma vaker ajse lava, pre save bi ulehas choľamen. A tiš ma vaker našukares pal o manuša, so na paťan andro Jehovas, aňi pal oda, andre soste on paťan.
-
Kam avren. Šukare hlasoha a le vastenca lenge sikav, hoj len rado dikhes. De pozoris, savo keres muj a ma bister te asal.
