Sakoneske amendar kampel o love, te pes kamas mište te postarinel pal peskeri fameľija. (Príslovia 30:8) Phenel pes, hoj o love šaj chraňinen le manušes. (Kazateľ 7:12) Te del duma pal o love šaj el phares, ale ma domukh, kaj o love te keren problemi andre tiro manželstvo! (Efezanom 4:32) O rom la romňaha peske mušinen te paťal. Jekhetane peske mušinen te phenel, pre soste rozkerena peskere love.

SO PHENEL E BIBLIJA: Te vareko tumendar kamel te budinel e veža, či peske [peršo] na bešel a na zrachinel (zginel), keci ada mola, kaj te dikhel, či les hin dos la te dokončinel? (Lukáš 14:28) Spolu tumen mište rozhodňinen, so kerena le lovenca. (Ámos 3:3) Phenen tumenge, so kamen te cinel a keci love šaj rozkeren. (Príslovia 31:16) The te tumen hin love pre varesoste, premišľinen, či tumenge ada skutočňe kampel. Ma len nagoďaverones pro paťaben! Rozkeren ča ola love, so tumen hin. (Príslovia 21:5; 22:7)

SO ŠAJ KERES:

• Te tumenge ačhen varesave love pro koňec čhoneske, rozhodňin tut la romňaha, le romeha, so lenca kerena

• Te na džan avri le lovenca, phenen tumenge, so kampel te zmeňinel. Napriklad, ma rozkeren bije goďi pro but lačho chaben, kaj tumenge te el ča paru ďivesa mište. Ma cinkeren savoro, so tumen abo tumare čhave rado chan, ča angle ada, bo akana tumen hin pre ada love

SO PHENEL E BIBLIJA: Av andre savoro pocťivo, na ča anglo Jehovas, ale the anglo manuša. (2. Korinťanom 8:21) Phen čačipen la romňake, le romeske, keci love zarodes a keci rozkeres.

Ma bister te phučel la romňatar, le romestar, te kames te rozkerel vareso olestar, so tumenge sthoďan. (Príslovia 13:10) Ker ada furt a andro tiro manželstvo ela smirom. O love, so zarodes, nane ča prekal tute, ale thiš prekal tiri romňi, o rom the o čhave. (1. Timotejovi 5:8)

SO ŠAJ KERES:

• Dohodňinen tumen, keci love šaj rozkerel sako tumendar bije ada, kaj pal ada mušinel te phenel

• Ma vakeren pal o love ča akor, sar tumen nane