BOĽIPEN Te pes na phenela vareso aver ola so pes den te bolel bešena pro thana anglo podijum. Majinena odoj te bešel sombatone anglo dilos sigeder sar začňinela o prejavos ko boľipen. Sako bi peske majinelas te anel o ucirakos the slušna plavki.

DARI But love kampľa te poťinel, kaj te el sakones lačho than te bešel, lačhes te šunel, lačhes te dikhel o videji a but aver veci. The ada amenge anel, kaj pes pro zjazdos mište te ciťinas a pomožinel, kaj te avas pašeder ko Jehovas. Amare darenca, save jilestar kamas te del, pomožinaha ada sa te poťinel a tiš podporinas e buťi le Jehovaskere svedkengeri, so pes kerel pal calo svetos. Andre caľi hala hine schranki pro dari, save pes den lačhes te rozprindžarel. Dari šaj das the prekal e stranka donate.jw.org. O phrala, so dodikhen pre calosvetovo buťi le Jehovaskere svedkengeri peske igen ceňinen savore tumare dari a kamen tumenge te paľikerel, hoj jilestar podporinen o Kraľišagos.

DOBROVOĽNA SLUŽBA Te kamen te pomožinel pro zjazdos a te zapojinel pes andre dobrovoľna služba, šaj džan andro odďeľeňje savo pes vičinel Informačno odďeľeňje a dobrovoľna služba.

ODA SO PES NAŠAĎA A SO PES ARAKHĽA Savore veci save arakhena den andre kada odďeľeňje. Te tumen vareso našaďan, džan andre kada odďeľeňje a phenen so oda hin a sar dičholas avri. Andre kada odďeľeňje ľidžana the le čhaven save pes našade. Kada odďeľeňje nane pre ada, kaj pre lende te den pozoris. Vašoda den pozoris pre peskere čhave a mi en paš tumende.

PERŠO POMOC Mangas tumen, kaj te pametinen, hoj adi služba hiňi ča prekal ola kaske avľa igen na mište.

THANA KAJ TE BEŠEL Mangas tumen, kaj te duminen the pre aver. Pametinen, hoj thana šaj obsadzinen ča prekal tumari nekpašeder rodzinka, ola so avle tumenca motoriha, dživen tumenca andro kher, abo savenca akana študinen e Biblija. Na mukhen nič pro stolki save na obsadzinen.

USPORJADAŤEĽA E buťi le usporjadaťeľengeri hiňi te pomožinel tumenge. Vašoda tumen mangas, kaj len te šunen a te keren so tumenge phenena, akor sar parkinena o motoris, sar tumenge phenena khatar majinen te džal, sar obsadzinena thana te bešel the vareso aver so tumenge phenena.

E škola prekal ola, so zvestinen pal o kraľišagos Prjekopňika savenge hin 23 dži o 65 berša, save kamen buter te služinel, pozvinas, pro stretnuťje olenca so kamen te džal pre škola prekal ola, so zvestinen pal o kraľišagos savo ela kurke palodilos. Presňe kana the kaj tumen dodžanena le oznamendar.