LEKCIJA 11
Dochude la Biblijatar so nekbuter
Užarelas tut varekana ajsi buťi, savatar darahas abo pes tuke andre late na kamelas te mukhel? Šaj el, hoj paľis adi buťi na kerďal jekhvareste, aľe pal o kotorora. A avka ada hin, sar chudas te genel e Biblija. Tiš tuke dičhol, hoj hin oda but te pregenel caľi Biblija a te achaľol lake? Andre adi lekcija peske phenaha, so tuke pomožinel te dochudel la Biblijatar so nekbuter.
1) Soske la kamas te genel sako ďives?
Ko sako ďives genel e Biblija, „le Jehovaskero zakonos,“ ajso manuš ela bachtalo a lačhes leske džala andro dživipen. (Pregen Žalm 1:1–3) Peršo chude te genel e Biblija ča paru minutki prekal o ďives. Te buter a buter dikheha, so savoro hin andre Biblija, paľis la kameha pale a pale te genel.
2) Sar kampel te genel e Biblija?
Feder achaľuvaha oda, so genas akor, te pes buterval zaačhavaha a rozmišľinaha pal oda, so pregenďam. Na kamas ča te genel „ciche hlasoha“, aľe tiš te rozmišľinel pal ada, so genas. (Jozua 1:8) Te genes, furt pestar phuč: So sikhľuvav pal o Jehovas olestar, so genav? So mange den ola lava andro miro dživipen? Sar prekal ola lava šaj pomožinav avrenge?
3) Kaj te lel o časos te genel e Biblija?
Nane tut kana te genel? Na sal korkoro. Kampel, kaj te des „pozoris pre oda, so chal [tiro] časos.“ (Efezanom 5:16) Phen tuke, kana sako ďives geneha e Biblija. Vareko peske genel sig tosara. Vareko genel prekal o ďives palodilos, abo prekal o dilos andre buťi. Aver genen raťi, sigeder sar džan te sovel. Tuke hin kana nekfeder?
DODŽAN TUT BUTER
So te kerel, kaj čačes rado te genes e Biblija. A so kampel te kerel angle oda, kaj la Biblijatar te dochudes so nekbuter.
Avka sar sikhľuvas te chal sasto chaben, tiš sikhľuvas rado te genel e Biblija
4) Kana rado geneha e Biblija?
Sar chudas te chal sasto chaben, na šmakinel amenge minďar. Aľe šaj „sikhľuvas te kamel“ te chal oda chaben, bo džanas andre soste hino lačho. A la Biblijaha hin tiš avka. Pregen 1. Petra 2:2 a paľis vakeren jekhetane:
-
So phenes, te geneha e Biblija sako ďives, sikhľoha la avka rado te genel?
Mukh o videjo. So keren varesave manuša, kaj rado te genen e Biblija? Paľis vakeren jekhetane.
-
Soske pes le ternenge na kamelas te genel e Biblija?
-
So lenge pomožinďa sako ďives la te genel?
-
So kerde, kaj rado te genen e Biblija?
Sar chudes te genel e Biblija:
-
Kide tuke avri e Biblija andre čhib, savake achaľos. Le tuke Biblia – Preklad nového sveta, te hin andre tiri čhib.
-
Peršo gen oda, so džanes, hoj chudela tiro jilo. So šaj chudel tiro jilo, dikh andro kotor „Genav e Biblija.“
-
Oda, so genes, tuke zapisin. Hin tut ke oda „Džav te genel caľi Biblija“, so hin palal andre kadi kňižka.
-
Phuter tuke aplikacija JW Library®. Adaj šaj prekal tiro telefonos genes abo šunes e Biblija, kana kames.
-
Dikh tiš dodatki andre Biblia – Preklad nového sveta. Palal andre adi Biblija hin visvetľimen phare lava, mapki the tabuľki. Ada savoro tuke pomožinela, kaj la Biblijatar te dochudes so nekbuter.
5) So kampel te kerel sigeder, sar tut ela o študijum
Pregen Žalm 119:34 a paľis vakeren jekhetane:
-
Soske hin lačho, te tut modľineha sigeder, sar geneha e Biblija a sar tut pripravineha pro študijum?
Kana tut ela chasna olestar, hoj sikhľos? Sigeder sar tut ela o študijum, ker ada:
-
Pregen tuke peršo sera andre lekcija, so sikhľoha.
-
Arakh tuke u pregen savore teksti la Biblijatar. Paľis rozmišľin, sar ala lava bešen oleha, so genes andre lekcija.
-
Le tuke pirko (pingalos) u arakh o lava, so odphenen pre dojekh otazka. Kavka pro študijum džaneha, pal soste pes vakerel.
Džanehas?
Le Jehovaskere svedki sas sikade te genel andal o buter Bibliji. Aľe nekbuter rado genas Biblia – Preklad nového sveta, bo nane andre previsarde lava, del pes lake te achaľol a hin andre late le Devleskero nav. Buter tut dodžaneha pre stranka jw.org „Majú Jehovovi svedkovia svoju vlastnú Bibliu?“
VAREKO ŠAJ PHENEL: „Man nane but časos pre Biblija. Hin pre mande but, paľis na birinav.“
-
Sar pre ada dikhes tu?
SO SIKHĽIĽAM
Kaj te dochudes la Biblijatar so nekbuter, phen tuke, kana la geneha. Modľin tut, kaj oleske, so genes the achaľos. U anglo dojekh tiro študijum ker oda, so dikhes pro obrazki A, B, C.
So bi phenehas
-
Kana dochudeha la Biblijatar so nekbuter?
-
Tuke hin kana nekfeder časos buter peske te genel e Biblija?
-
Soske hin lačho, te tuke geneha a počjarkňineha oda, so tut ela pro študijum?
DIKH TUKE BUTER
Pregen tuke, sar te genel e Biblija, kaj lake buter te achaľos.
Sar šaj genes e Biblija? Adaj tut dodžaneha.
„Ako mi Biblia môže pomôcť? – 1. časť: Preskúmaj ju“ (arakheha pro jw.org)
So te kerel, kaj rado te genes e Biblija?
„Ako mi Biblia môže pomôcť? – 2. časť: Urob si z čítania Biblie zážitok“ (arakheha pro jw.org)
So keren ola, so imar but berša genen e Biblija?
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
