O Dávid pes mukhelas pro Jehovas, vaš kada murdarďa le Goliaš. (1Sa 17:45) O Jehovas kamel te del peskeri zor dojekhe dženeske, so leske služinel. (2Kn 16:9) Kana sikaves, hoj pes mukhes pro Jehovas a na ča pre peskeri goďi a pre oda, so džanes? Te kereha kada:

• Furt vaker le Jehovaha. Mang les vaš e zor, sar tut cirdel pro binos a na až paľis, kaj tuke o Jehovas te odmukhel. (Mat 6:12, 13) Ma mang le Jehovastar, kaj tuke te požehňinel oda, so bi tu kamľahas te kerel. Sigeder, sar vareso kereha, mang les pal e goďi a kaj tuke te sikavel, so hin lačhes te kerel. (Jak 1:5)

• Ma bister pre Biblija. Gen la sako ďives. (Ža 1:2) Študin o pribehi, so hin andre late a doľiker oda, so sikhľos. (Jak 1:23–25) Ker tuke priprava angle služba, the te džanes šukares te vakerel. Ker tuke priprava the pro zhromažďeňa, kaj mek feder te achaľos la Biblijake.

• Šun le Jehovaskeri organizacija. Kam furt te džanel, so nevo phenel amari organizacija a minďar oda doľiker. (4Mo 9:17) Šun le zborove phurederen, sar phenen, so kampel te kerel abo sar tuke jilestar dophenen. (Heb 13:17)

DIKH O VIDEJO HIJABA PRE AMENDE DŽAN, NA DARAS LENDAR! A PAĽIS VAKEREN JEKHETANE:

• Sostar phrala the pheňa daranas?

• So lenge diňa zor, kaj te na daran?