Nane furt loko peske te zapametinel oda, so peske študinas. Aľe but olestar, so o Ježiš sikhľarelas, peske pametinas. Soske? Bo vakerelas but prikladi. Oda, so vakerelas, na sas pharo peske te predstavinel. Avka isto the amen, feder peske pametinaha, te peske oda predstavinaha. Sar? Avka, hoj amenge oda krešľinaha.

Le manušenge hin lokeder peske te zapametinel oda, so sikhľile akor, te peske oda takoj (minďar) krešľinen. Te peske krešľinena, oda tumenge pomožinela na ča te achaľol le lavenge, aľe tiš le mišľenkenge. Na mušinas te džanel lačhes te krešľinel. Stačinel te peske krešľineha vareso jednoducho. Tiš pes avľa pre kada, hoj nekbuter pomožinel te krešľinel le phuredere manušenge.

Sar tuke študineha, skušin tuke oda te krešľinel. Aňi na paťaha, keci peske olestar lačhes pametineha.