LESON 60
Kontinué out bann progré
Gras se létud la Bib, ou la aprann in bonpe zafèr su Jéova. É out lamour pou li la ni petèt tèlman for, ke ou la of out vi Jéova é ou la fé batiz aou. Si lé pa ankor out ka, ou va fé sa biento. Mé out bann progré i arèt pa le jour out batèm. An vré, ou gingn kontinué raproch aou koté Jéova tout out vi. Koman sa ?
1. Poukosa ou doi kontinué rann plu for out lamitié avèk Jéova ?
I fo kontinué fé zéfor pou rann plu for out lamitié avèk Jéova. Poukosa ? « Pou jamé alé a la dériv » (Ébreu 2:1). Kosa va èd anou rès fidèl Jéova ? Èt bien okupé dan la prédikasion é chèrch dot fason pou sèrv Jéova ankor plus (lir Filipien 3:16). Sèrv Jéova lé le méyeur vi ke ou pe avoir ! (Psom 84:10).
2. Kosa ou doi kontinué fé ankor ?
Out létud la Bib lé fini, mé out vi de krétien i komans seulman. La Bib i di anou « abiy anou avèk le nouvo pèrsonalité » (Éfézien 4:23, 24). Kan ou kontinué out létud la Parol Bondieu é kan ou asis bann rénion, ou aprann bann nouvo zafèr su Jéova é su son bann kalité. Chèrch koman imit ankor mieu son pèrsonalité dan out vi. Kontinué fé tout bann chanjman ki fo, pou rann Jéova ereu.
3. Koman Jéova va èd aou progrésé ?
La Bib i di : « Bondieu [...] va achèv li mèm zot formasion. Li va rann azot fèrm, li va rann azot for, li va rann azot solid » (1 Pièr 5:10). Nout tout nou néna bann tantasion. Mé Jéova i donn anou la fors ke nou la bezoin pou rézisté (Psom 139:23, 24). Li promèt donn anou lanvi é la fors pou sèrv ali fidèlman (lir Filipien 2:13).
ALON APRANN PLUS
Alon voir koman ou pe kontinué progrésé é koman Jéova va béni aou.
4. Kontinué koz avèk out méyeur Kamarad
La priyèr é létud la Bib la èd aou ni kamarad avèk Jéova. Koman i fo fé pou ke se bann zabitud, i èd aou èt toujour plu proch koté Jéova ?
Lir Psom 62:8 é koz su késtion la :
-
Dan out bann priyèr, kosa ou pe amélioré pou rann plu for out lamitié avèk Jéova ?
Lir Psom 1:2 é le ti not é koz su késtion la :
-
Dan out létud la Bib, kosa ou pe amélioré pou rann plu for out lamitié avèk Jéova ?
Koman rann out létud pèrsonèl plu gayar ? Pou avoir detroi zidé, gard le VIDÉO. Aprésa, koz su bann késtion ki vien apré.
-
Kosa ou ve mèt an pratik ?
-
Kèl tèm ou ièmré étudié ?
5. Fiks aou bann zobjéktif spirituèl
Avoir bann zobjéktif va èd aou progrésé. Gard le VIDÉO é koz su le késtion ki vien apré.
-
Kan li la fiks ali bann zobjéktif spirituèl, kèl joi Cameron la konèt ?
Tout domoun i pe pa alé préché dan in not péi. Mé nout tout nou pe fiks anou bann zobjéktif rézonab. Lir Provèrb 21:5 é réfléchi su bann zobjéktif ke ou pouré fiks aou...
-
dan lasanblé.
-
dan la prédikasion.
Koman le prinsip dann vèrsé la, i pe èd aou atèn out bann zobjéktif ?
Detroi lobjéktif ke ou pe fiks aou
-
Amélior la kalité out bann priyèr.
-
Lir la Bib an antié.
-
Aprann konèt tout bann moun dan lasanblé.
-
Komans é kondui in létud la Bib.
-
Èt pionié oksilièr oubien pionié pèrmanan.
-
Chèrch pou ni asistan, si ou lé in frèr.
6. Viv ereu pou toultan !
Lir Psom 22:26 é koz su késtion la :
-
Kosa ou pe fé pou avoir in gayar vi depui koméla mèm é pou toultan ?
SAK NOU LA APRANN
Kontinué rann plu for out lamitié avèk Jéova é fiks aou bann zobjéktif spirituèl. Ou va gingn viv ereu pou toultan !
Alon révizé
-
Poukosa ou lé sur ke Jéova va èd aou sèrv ali fidèlman ?
-
Koman ou pe rann plu for out lamitié avèk Jéova ?
-
Poukosa fiks aou bann zobjéktif spirituèl va èd aou pou progrésé ?
GARD SA OSI
Kosa na le plus la valeur pou Jéova, fé bann gran zafèr oubien rès ali fidèl tout nout vi ?
Mèm in fidèl sèrviteur Jéova i pe pèrd son joi. Kosa i fo fé pou retrouv se joi la ?
Étudié é réfléchi su sak ou aprann : ou va retrouv la joi (5:25)
Koman fiks aou bann zobjéktif spirituèl é atèn bann zobjéktif la ?
Lé inportan grandi spirituèlman. Koman i fo fé sa ?
