LESON 47

Èske ou lé pré pou fé batiz aou ?

ÉKOUT AN

Gras out létud la Bib, ou la aprann in bonpe zafèr su Jéova. É petèt ke ou la fé bann chanjman pou fé plézir ali. Mé néna petèt ankor in nafèr ki anpèch aou of out vi Jéova é fé batiz aou. Leson la i koz su bann difikulté ke in bonpe la viv é li ésplik koman niabout bann difikulté la.

1. Èske i fo konèt tout zafèr su la Bib pou fé batiz anou ?

Pou fé batiz aou, ou doi avoir in « konésans égzak su la vérité » (1 Timoté 2:4). Sa i ve pa dir ke ou doi réponn tout bann késtion, ki pouré poz aou su la Bib. Mèm bann krétien batizé depui lontan i kontinu aprann (Kolosien 1:9, 10). Mé i fo ou konpran bien bann zansègnman de baz dan la Bib. Bann zansien lasanblé va èd aou pou konèt, si ou koné bien bann zansègnman la Bib.

2. Kosa ou doi fé avan le batèm ?

Avan fé batiz aou, ou doi ‘repanti aou é revni vèr Bondieu’ (lir Akt 3:19). Sa i ve dir ke ou regrèt vréman bann péché ke ou la fé, é ke ou demann Jéova pardon. Sa i ve dir osi ke ou rejèt avèk fors tout bann mové konduit, é ke ou lé désidé viv in fason ki fé plézir Bondieu. I fo osi ke ou asis bann rénion lasanblé é ke ou prèch kom proklamateur non batizé.

3. Poukosa ou devré pa lès la peur anpèch aou fé batiz aou ?

Désèrtin la peur ke zot i gingn pa tienbo le promès, ke zot la fé Jéova. Lé vré, nadfoi ou va fé bann zéreur ; mèm bann mesieu é bann madam fidèl dan la Bib la fé zéreur. Mé Jéova i demann pa ou èt parfé (lir Psom 103:13, 14). Sak i kont pou li, sé ke ou fé de out mieu ! É li va èd aou. La Bib i promèt ke na poin rien « va gingn sépar anou de lamour ke Bondieu néna pou nou » (lir Romin 8:38, 39).

ALON APRANN PLUS

Alon voir koman ou pe niabout bann difikulté jusko batèm. Pousa i fo aprann konèt Jéova é aksèp son lèd.

4. Aprann konèt Jéova ankor mieu

Juska kèl poin ou doi konèt Jéova avan fé batiz aou ? Ou doi konèt ali asé pou èm ali é avoir anvi d’fé plézir ali. Gard le VIDÉO pou voir koman bann zétudian la Bib partou su la tèr la fé sa. Aprésa, koz su le késtion ki vien apré.

VIDÉO : Le chemin ki amèn jusko batèm (3:56)

Koman désèrtin frèr é seur la prépar azot pou le batèm ?

Lir Romin 12:2 é koz su bann késtion la :

Èske ou néna bann dout su sak la Bib i ansègn ? Oubien èske ou demann aou si bann Témoin Jéova i ansègn la vérité ?
Si oui, kosa ou pe fé ?

5. Surmont bann difikulté ki anpèch aou fé batiz aou

Kan nou désid of nout vi Jéova é fé batiz anou, nou rankont souvandéfoi bann difikulté. Pou voir in légzanp, gard le VIDÉO. Aprésa, koz su bann késtion ki vien apré.

VIDÉO : Lamour pou Jéova i gingn niabout tout bann difikulté (5:22)

Kèl difikulté Narangerel té doi surmonté pou sèrv Jéova ?
Koman son lamour pou Jéova la èd ali surmont bann difikulté la ?

Lir Provèrb 29:25 é 2 Timoté 1:7 é koz su késtion la :

Kosa i donn anou kouraj pou niabout bann difikulté ?

6. Kont su Jéova

Jéova va èd aou fé sak i fé plézir ali. Gard le VIDÉO, é koz su bann késtion ki vien apré.

VIDÉO : Jéova va èd aou (2:50)

Kosa té anpèch létudian la Bib fé batiz ali ?
Kosa la èd ali rann plu for son konfians an Jéova ?

Lir Izai 41:10, 13 é koz su késtion la :

Poukosa ou pe èt sur ke ou va tienbo out promès, kan ou va fé batiz aou ?

7. Fé grandi out rekonésans pou lamour ke Jéova néna pou ou

Plus ou va réfléchi su tout lamour ke Jéova néna pou ou, plus ou sra rekonésan é plus ou nora anvi sèrv ali pou toultan. Lir Psom 40:5 é koz su késtion la :

Kèl bénédiksion Jéova ou ièm le plus ?

Le profèt Jérémi té ièm Jéova é son Parol, é li té vréman rekonésan pou loneur port le non Jéova. Li la di : « Out parol la ranpli mon keur èk kontantman é èk la joi, parske sé out non ke mi port, o Jéova Bondieu » (Jérémi 15:16). Koz su bann késtion la :