LESON 1
Kèl gayar nouvèl Bondieu néna pou nou ?
1. Kosa i lé lo bann nouvèl ke Bondieu i donn ?
Bondieu i ve ke nou viv ereu su la tèr. Li la kré la tèr é tout sak néna desu, parske li ièm a nou. I tard pa, li sar fé kékchoz : li va donn in méyeur lavnir tout domoun, é sa, dan ninport kèl péi ousa zot i viv. Li va aport a zot in soulajman é pousa, li va fé disparèt tout bann zafèr ki fé souf a zot (Lir Jérémi 29:11).
Na poin okin gouvèrnman ke la gingn fé disparèt la violans, bann maladi oubien la mor. Mé néna bann gayar nouvèl ! I tard pa, Bondieu va ranplas tout bann gouvèrnman su la tèr par lé sièn. Bann domoun ke va viv sou gouvèrnman Bondieu sra an pé é an bonn santé (Lir Izai 25:8 ; 33:24 ; Danièl 2:44).
2. Pou kosa lé vréman inportan konèt bann gayar nouvèl la ?
Nora pu dutou bann soufrans, rienk kan Bondieu va fé disparèt bann mové moun su la tèr (Sofoni 2:3). Kan tousa va arivé ? La Bib, la Parol Bondieu, lavé déja anonsé bann gran maleur ke nou viv koméla. Tout sak i éspas ojourdui, i prouv ke Bondieu i tard pa pou fé kékchoz (Lir 2 Timoté 3:1-5).
3. Kosa nou doi fé ?
Nou doi aprann konèt Bondieu, é pousa i fo étudié son Parol, la Bib. Nou pe konpar la Bib kom in lèt ékri par in papa ki ièm in bonpe son zanfan. Dann liv la, nou aprann koman avoir in méyeur vi koméla mèm, é sak i fo fé pou viv pou toultan su la tèr dan lavnir. Désèrtin i sra petèt pa kontan ke kèlkin i èd a ou konprann la Bib. Mé, ou na lokazion konèt in lavnir méyeur : larg pa sa ! (Lir Provèrb 29:25 ; Révélasion 14:6, 7).
Agard sa osi…
KISA NOU LÉ ?
Pou kosa étudié la Bib ?
Gras la Bib, domoun par milion dan le monn la gingn bann répons pou bann késtion inportan ke zot i poz a zot su la vi. Èske-ou ve konèt sa osi ?
