DEVIEN PLU GABIÉ DANN PRÉDIKASION | FÉ GRANDI OUT JOI POU PRÉCHÉ
Touch le keur
Kan in moun i obéi Bondieu, sa lé in nafèr i sort dann keur (Prov 3:1). Sé pousa kan nou ansègn, nou doi fé zéfor pou touch le keur nout létudian. Koman nou pe fé sa ?
Kontant pa ou ansègn out létudian rienk bann vérité biblik; èd ali voir léfé ke bann vérité la, i pe avoir su son vi é su son relasion avèk Jéova. Èd ali konprann kosa bann zansègnman biblik i aprann anou su lamour, su sak lé droit é su la justis Bondieu. Poz bann késtion ki vèks pa, ke va èd ali réfléchi, é va pous ali pou di sak li pans su sak li aprann. Fé réfléchi ali su bann bienfé li va ganié si li korij son fason pansé ke lé pa bon, ou si li larg in mové labitud ke li néna. Kan ou va voir ke out létudian i ièm Jéova, èk tout son keur, ou sra ankor plus kontan.
GARD LE TI FIM POU GINGN KONTANTMAN POU FÉ BANN DISIP, ALON NI PLU GABIÉ, É POUSA : TOUCH LE KEUR DOMOUN, APRÉSA RÉPONN BANN KÉSTION LA :
-
Poukosa Neeta la demann Jade : « Ou la réfléchi su sak nou lavé koz desu lindi » ?
-
Koman Neeta la èd Jade fé le lien ant bann zansègnman biblik é lamour ke Jéova néna pou li ?
-
Touch le keur nout létudian la Bib, va pous ali pou fé progré.
Koman Neeta la fé réfléchi Jade su le fason èl i pe fémont son lamour pou Bondieu ?
