NOUT VI KRÉTIEN
Jéova i èd anou kan nou gingn koudkongn
Dan bann dèrnié jour la, nou pas rienk dann malizé. É nadkou, tousala i pe pèz vréman lour su nou. Mé, si nou kontinué kos koté Jéova, li va èd anou suport èk pasians tousala, mèm devan bann zafèr ki fé souf anou (Izai 43:2, 4). Alor, koman kos koté Jéova kan nou gingn koudkongn ?
La priyèr. Kan nou dévid nout fonnkeur devan li, Jéova i donn anou la pé dann keur é in moral solid pou suport èk pasians nout bann malizé (Fil 4:6, 7 ; 1 Tés 5:17).
Bann rénion. Plus ke dabitud, i fo nou profit sak Jéova i donn anou dan nout bann rénion lasanblé, sétadir le manjé spirituèl é retrouv anou èk nout bann frèr é seur (Ébr 10:24, 25). Kan nou prépar é ke nou sa va bann rénion, ke nou donn komantèr, sa i pèrmèt anou profit afon lèd ke léspri Jéova i aport anou (Rév 2:29).
La prédikasion. Si nou fé nout posib pou kontinué préché, sra plu fasil rès kalé su bann zafèr ki fé anou du bien. I sra osi in bon fason pou ni gran kamarad èk Jéova é bann krétien ki travay min dan la min sanm nou (1 Kor 3:5-10).
GARD LE VIDÉO JÉOVA VA ROUV SON BRA POU AKEUY AOU, APRÉSA RÉPONN BANN KÉSTION LA :
-
Dann kou dur, kosa la èd Malu rès proch koté Jéova ?
-
Kom Malu, kèl rékonfor Psom 34:18 i aport anou dann malizé ?
-
Koman ti kozé Malu i mont ke, kan nou lé dann traka, Jéova i donn anou le « puisans ki dépas sak lé normal » ? (2 Kor 4:7).
