Akakite tetai ripoti no te ao katoa, a e e tai i roto i te a tangata te maromaroa ra.

•    “Noatu koai, noatu te mataiti, e noatu te ngai, te ngere ra te tangata i te pirianga ki tetai e tetai.”​—Chido Mpemba, mema tiamana o te World Health Organization’s Commission on Social Connection.

 Noatu eaa te tu, te tupu ra te maromaroa ki te aronga pakarikari e te aronga te noo ra ko ratou anake e ki te au mapu, te aronga matutu, te aronga puapingaia, e te aronga akaipoipo. Ka tupu te maki i te pae kopapa e te manako ngakau ki te aronga te maromaroa ra e te ngere ra i te pirianga ki tetai e tetai.

•    “E maata atu te tupu ra ki te maromaroa ua nei,” i na Dr. Vivek Murthy ei, e akaaere taote vaʼi i Marike. Karanga aia: “Aiteite ua te mate o te aronga te ngere ra i te pirianga ki te tangata ki te mate tei akatupuia e te kai avaava e 15 avaava i te rā.”

 Kare Tei Anga ia tatou e inangaro kia ngere tatou i te pirianga ki tetai e tetai. E akakoroanga to te Atua kia rekareka ua rai te tangata i tetai oraanga pirianga meitaki e te merengo.

•    Kaveinga Pipiria: “Kua tuatua iora te Atua, . . . Kare ïa e meitaki kia noo ua te tangata koia anake ra.”​—Genese 2:18.

 Inangaro te Atua ia tatou kia akatupu i tetai pirianga kiaia. Kua taputou mai aia kia akavaitata kia tatou me tauta tatou i te akavaitata kiaia.​—Iakobo 4:8.

•    Kaveinga Pipiria: “E mataora to te aronga tei manako i to ratou anoano i te pae vaerua, no ratou oki te patireia o te au rangi ra.”​—Mataio 5:3, New World Translation.

 Inangaro te Atua ia tatou kia akamori kapiti iaia. Me pera tatou, ka tauturu te reira ia tatou i te pae o te manako ngakau.

•    Kaveinga Pipiria: “E akono marie rai tatou tetai ki tetai, ka akamaroiroi atu ei kia maata te aroa, e i te angaanga memeitaki ra: Auraka e akaruke i to tatou akaputuputu anga mei ta tetai aronga, ka akamaroiroi ra.”​—Ebera 10:24, 25.

 Kia kite maata atu eaa i puapinga ai kia akakoromaki i te maromaroa, tatau i te atikara “Loneliness in a World of Mass Connection.”