06 YACHANA PARTI
Causaiga imasata callarira
“Cai pachata tucui caibi tiaccunatas Diosmi rara” (Hechos 17:24). Canga caita quiringuichu. Maicangunaga causai yangamanda llucshishca, mana pihuas rashcachu ninaun. Causai yangamanda llucshishca acpiga, imaraicuta caibi causaunchi nisha tapurinchi. Chasna ashahuas, Jehova ñucanchita rashcamanda, imaraicu caibi causaushcata yachanchi. a Dios causaita imasa callarichishcata, imaraicu sirtu ashcata Bibliaibi yachai.
1. Cielota Allpata pita rara
Biblia nin: “Pundaga Diosmi cielota allpata rara” (Genesis 1:1). Cientificogunaga cielo, allpa punda callarishcata quirinaun. Diosca imasata allpata cielota rara. Diosca paiba ushaihuan, espiritu santohuanmi, tucui allpaibi tiaccunata, cieloibi tiaccunatas rashca (Genesis 1:2).
2. Diosca imaraicuta Allpata rara
Jehova “cai Allpata mana yangachu rashca, randi chibi runaguna causanauchun nisha rashca” (Isaias 45:18). Jehovaga shuc gustu Allpata rara. Cai Allpaibi runaguna huiñai causangahua tucui minishtirishcagunata cura (Isaias 40:28; 42:5ta leipai). Cientificogunaga cai Allpallaibimi runaguna causana ushan ninaun. Cai Allpaga shuc planetagunamandas mas ali an ninaun.
3. Runagunahuan animalgunahuan pariulla chanaun
Jehova, Allpata rashca huasha, pundaga ruyagunata, quihuagunata, animalgunatas rara. Chi huasha, “Diosca runata pai shina angahua rara” (Genesis 1:27ta leipai). Runaguna imahuata mana animalguna shina anchi. Diosca pai shina angahua ñucanchita rashca ashami, alita rac, llaquic tucuna ushanchi. Shuc shimigunata yachangahua, gustu rashcagunata ricusha, musicagunata uyasha cushiyangahua raitucushcanchi. Chasnallata, ñucanchiga Diosta adoranata ushanchi. Animalguna randiga Diosta mana adoranata ushanaunzhu.
CAIMANDA MASTA YACHAI
Dios imashina tucui sami animalgunata, caran tunu quihuagunata rashcata yachashun. Dios tucuita rashcamanda, imahua Biblia nishca sirtu ashcata ricushun. Runaguna alita rasha causashcata ricusha, Dios imashina ashcata yachashun.
4. Tucui cai Allpai causaccuna Dios rashca man
Dios rashcagunata ricusha, runaguna ima sami aparatogunata, maquinagunata ranaun. Caigunata rashcamanda paigunallata balichinaun. Chasna acpi, pitata masta balichina anchi. VIDEOTA ricuichi, huasha cai tapuimanda cuintanacuichi:
-
Runagunaga Dios rashcata ricusha, ima aparatogunata, ima maquinagunatata rashcauna.
Tucui huasigunaga maican runa rashca man. Chasna acpihuas, pita tucui cai Allpai tiaccunata rara. Hebreos 3:4ta leichi, huasha cai tapuigunamanda cuintanacuichi:
-
Dios tarbashcata ricusha, imatata mas gustangui.
-
Cieloibi cai Allpai tiaccunata, Dios rashcata quiringuichu. Imahua.
Yacharanguichu
Caimanda masta yachangahua, jw.org internet pistuibi “¿Lo diseñó alguien?” y “Opiniones sobre el origen de la vida” nishcaibi videogunata, quillcagunata ricui.
“Tucui huasigunaga maican runas rashca man. Chasnallatami, Diosca tucui caibi tiaccunata rara”
5. Dios tucuita rashcamanda Biblia nishca sirtu man
Genesis capitulo 1bi Biblia nin, imashina cai Allpaibi causai tiai callarishcata. Biblia nishcaga quiribaclla chan o callari timpu cuintashcalla chan. VIDEOTA ricuichi, huasha cai tapuigunamanda cuintanacuichi:
-
Bibliaga Allpata, causaita, Dios sucta punzhallai rashcatachu yachachin.
-
Dios tucuita rashcamanda Biblia nishcaga quiribaclla chan. Imahua.
Genesis 1:1ta leichi, huasha cai tapuimanda cuintanacuichi:
-
Cientificoguna cielo allpa punda callarishcata quirinaun. Genesis 1:1 nishcahuan, cientificoguna pinsashcahuan pariulla chan.
Maican runaguna, Diosca evolucionmanda tucui sami causaita llucshichira nisha tapurinaun. Genesis 1:21, 25, 27ta leichi, huasha cai tapuimanda cuintanacuichi:
-
Bibliaga Dios evolucionmanda tucui animalgunata, runagunata rashcata yachachinzhu, o runagunata, tucui sami animalgunata Dioschu rashca.
6. Runagunaga mana animalguna shina angahua rashca chanchi
Ñucanchiga mana animalguna shina chanchi. Genesis 1:26ta leichi, huasha cai tapuimanda cuintanacuichi:
-
Diosca pai shina angahua ñucanchita rashca ashami, shuccunata yanapasha llaquinata ricuchina ushanchi. Caita ricushaga, Jehovamanda imatata yachangui.
MAICANGUNAGA CASNAMI NINAUN: “Dios tucuita rashcamanda Biblia nishcaga callari timpu yanga cuintashcalla man”.
-
Can imata yuyangui. Imahua.
IMATA YACHASHCANGUI
Jehovami cielota, allpata, tucui sami animalgunata, runagunatas rara.
Yachashcata cuintai
-
Bibliaga cielota allpata pi rashcamanda imatata nin.
-
Diosca evolucionmandachu tucui sami causaita rara, o runagunata, tucui sami animalgunata Dioschu rara.
-
Animalguna shina angahua rashca chanchi. Imahua.
CANLLATA MASTA YACHAI
Allpaibi tiaccunata ricushaga tucuita rac Dios tiashcata yachanchi.
“Allpaibi tiaccunaga imata yachachitucunchi” (¡Despertad!, septiembre 2006)
Shuc yaya paihua huahuata imasa Dios tucuita rashcata yachachiuta ricui.
Evolucionga Biblia nishca shinachu yachachin.
“Diosca tucui sami animalgunata, runagunata evolucionmandachu rara” (jw.org internet pistuibi)
Callari tupashca tulluguna, cientificoguna yachachishcagunaga causai yangamanda llucshishcata o maican tucuita rashcata musiangahua yachai.
Causaiga imasata callarira. Pichca balishca tapuimanda yachaiguna (quillca)
a 25 yachana partibi Diosca runagunata imaraicu rashcata ricushun.
