Jesús nilam atinincunacta, cay mundućhu nunacunanü amam capäcunquichu (Juan 15:19). Chaywanmi nila mana guerraman lipäcunanpä, nï politicuman meticulcananpä. Ayveces burlaculcaptin ya’anchicpi sasam cäsucuyca canman. ¿Imam yanapamachwan Jehovaman confiacunanchicpä ñatac cäsucunanchicpä?

1. ¿Imanuypam licananchic rasunpa cristianucunaca cay mundućhu gobiernucunata?

Cristianucunaca respetananchicmi cay mundućhu gobiernucunata Jesús nila: “Cesarpa cäcätá payman-ari uycäliy”. Ya’anchicpis chayta lulananchicmi, cäsucunanchicmi autoridäcuna leycunacta ćhulaśhancunacta, impuestucunactapis pagananchicmi (Marcos 12:17). Bibliami nin, Jehovami ćhulala cay gobiernucunata (Romanos 13:1). Pero, chay gobiernucunaca ima leytapis umaptinchic Diospa mandaśhanwan contra captin, puntacta Diostam cäsucunanchic. Diospa gobiernullanmi cay allpaćhu llapan sasacunacta allichan’a.

2. ¿Diospa gobiernunman confiacul’a imacunactam mana lulananchicchu?

Jesusnümi, ya’anchicpis mana politicuman meticunanchicchu. Nunacuna Jesusta imaymana milagrucunacta lulaśhanta licalmi, rey cananpä ćhulayta munapäcula, pero Jesús manam munalachu (Juan 6:15). ¿Imapï? Pay quiquinmi nila: ‘Ya’apa gobiernú manam cay pachäćhüchu’ (Juan 18:36). Paynümi manam meticunanchicchu cay munduca lulaśhancunaman, manam guerracunaman linanchicchu (liguicuy Miqueas 4:3). Masqui naciunninchicta respetalpis manam banderata saludanchicchu ñatac himno nacionalta taquinchicchu, Diosllanchictam adorananchic (1 Juan 5:21). Manam politicücunaman apoyaśhunchu nïtac contran caśhunchu. Caycunacta lulalmi licachiśhun Diospa gobiernullanta apoyaśhanchicta.

 MASTA YAĆHAYCUŚHUN

3. Rasunpa cristianucunaca manam meticunanchicchu cay munduman

Jesusnü ñatac atinincunanümi cananchic. Liguiśhun Romanos 13:1, 5-7 ñatac 1 Pedro 2:13, 14. Chaypi’a licaśhun VIDEUCTA ñatac limaśhun caypi:

• ¿Imapïmi respetananchic autoridäcunata?

• ¿Imacunaćhumi cäsucunanchic autoridäcunata?

Guerra captin, waquin naciuncunaca nipäcun, manam mayannintapis apoyaśhachu pero, imanuyllapsi apoyalcanmi. Chay, ¿allinchun canman? Liguiśhun Juan 17:16. Chaypi’a licaśhun VIDEUCTA ñatac limaśhun caypi:

• ¿Imanuypam licachinchic gobiernucunata mana apoyaśhanchicta, nï contra caśhanchicta?

Ayvesćhua autoridäcunaca munan imactapis lulananchictam Diospa mandamäśhanchicpa contranta. Caynü captin, ¿imactam lulananchic? Liguiśhun Hechos 5:28, 29. Chaypi’a licaśhun VIDEUCTA ñatac limaśhun caypi:

• Nunacunapa mandamäśhanchic Diospa mandamäśhanchicwan contra captin, ¿mayannintam cäsucunanchic?

• ¿Autoridäcunapa ima mandamäśhanchictam mana cäsucuśhunchu?

 4. Manam piensayninchicwanpis nï lulayninchicwanpis cay munduman meticuśhunchu

Liguiśhun 1 Juan 5:21. Chaypi’a licaśhun VIDEUCTA ñatac limaśhun caypi:

• ¿Imapïmi hermanunchic mana munalachu apoyayta gobiernuta nï banderata saludayta?

• Pay, ¿allintachućh decidila?

¿Imacunamanmi masta mana meticunanchicchu? Chayta yaćhanapä, licaśhun VIDEUCTA ñatac limaśhun caypi:

• ¿Imactam mana lulananchicchu naciunninchicwan juc nación awsaptin?

• ¿Imactam lulachwan gobiernucunaca decidiptin allinninchicpä o mana allinninchicpä?

• ¿Imapïmi mana anchap uyalinanchicchu gobiernucunapi noticiacunacta nïtac nunacunapa limaśhancunacta?

 IMACTAM YAĆHALUNCHIC

Cristianucunaca manam gobiernucunata contrapäcunchu nï apoyapäcunchu, chayta licachipäcun piensaśhanwan, limaśhanwan ñatac lulaśhanwan.

Yalpaśhun

• ¿Imacunaćhumi gobiernucunata cäsucunanchic?

• ¿Imapïmi mana apoyananchicchu nï contrananchicchu gobiernucunata?

• ¿Imacunam apämachwan cay mundupa lulaynincunaman?