YAĆHACHICUY 6
¿Imanuypam allaycula cawsayca?
Bibliaćhu nin: “Ammi Dios lluy imactapis Licalichica canqui” (Salmo 36:9, TNM). Am, ¿chayta creinquichun? Waquin nunacuna creipäcun quiquillanpi cawsayca licaliśhantam, manam licalichi Dios canchu. Chaynü captin’a wañunallanchicpämi cayanchic. Jehová Dios licalichimaptinchic’a, ¿imanuy cawsananchictam munala? a Bibliaćhu licaśhun lluy imanuypa allaycuśhanta.
1. ¿Imanuypam licalila cieluwan allpaca?
Bibliaca nin: ‘Manalä imapis cayaptinmi, Tayta Dios cielutawan cay pachäta camala’ (Génesis 1:1). Achca yaćhayniyü nunacuna nipäcun, cieluwan allpaca allaycuyniyümi. ¿Imanuypam lluy imactapis Dios licalichila? “Chuya espiritunwan” o callpanwan Jehová licalichila: intita, quillata, lucerocunata ñatac lluy imacunactapis (Génesis 1:2).
2. ¿Imapämi Dios licalichila allpata?
Jehová “manam yan’alpächu lulala sinu’a nunacunäta chayćhu yaćhananpämi” (Isaías 45:18). Pay lulala cay allpata tuquicta nunacuna cushisha cawsacunanchicpä wiñay-wiñaypä (liguicuy Isaías 40:28 ñatac 42:5). Yaćhayniyü nunacuna nipäcun allpallam cayan cawsananchicpä, manam juc canchu allpanü’a.
3. ¿Imacunaćhumi mana uywacunawan chaynüllachu canchic?
Jehová cay allpata lulalcul, ñatacmi licalichila plantacunacta chaypi’a uywacunacta. Chaypiñatacmi “Dios licalichila nunacta quiquintanülla” (liguicuy Génesis 1:27, TNM). ¿Imacunaćhumi mana uywacunawan chaynüllachu canchic? Jehová cuyacümi, llaquipayniyümi chaynü allin cayniyüta lulamalanchic, ñatac nunacunata lulamalanchic limayäta, licayäta, cushisha taquinanchicpä. Nunacunallam Jehovata adorachwan, uywacunaca manam.
MASTA YAĆHAYCUŚHUN
Cayćhumi yaćhaśhun lluy cawsayniyücunacta lulaśhanta, yaćhaycuśhuntacmi Biblia nishanta creinapä nishannülla caśhanta. Ñatac yaćhaycuśhun nunacunapa allin-caynincunacta Diosta lisinanchicpä.
4. Lluy imacunactapis Diosmi licalichila
Nunacunaca copiacula plantacunapi, uywacunapi, imacunactapis lulananpä chaymi alawachicun. Pero ¿mayanmi lulala uywacunacta, plantacunacta? Licaśhun VIDEUCTA ñatac limaśhun caypi:
-
¿Imacunactam nunaca copiala Dios lulaśhancunacta?
Lluy wasicunapis jucpa licalichiśhanmi. ¿Mayanmi cielućhu cäcunata cay allpaćhu cäcunata licalichila? Liguiśhun Hebreos 3:4 ñatac limaśhun caypi:
-
Diospa lluy lulaśhancunapi, ¿mayanninmi gustaśhunqui?
-
¿Lluy cielućhu cäcunaca cay allpaćhu cäcunaca Diospa lulaśhachun?
Yaćhaycunayquipä
Internetćhu jw.org nishanćhu talinquim yaćhachicuyta ñatac videucunacta “¿Lo diseñó alguien?” ñatac “Opiniones sobre el origen de la vida” niśhanta ashi.
“Aw-ari, llapa wasi mayanpapis lulaśham; ñatac Tayta Diosmi lluytapis luläcá”.
5. Bibliaca nishannü Diospa lluy licalichiśhancuna rasunpachućh
Génesis 1 capitulućhu niyamanchic lluy enterun allpata chayćhu lluy cäcunapis Diospa licalichiśhanmi. ¿Rasunpachućh chay o cuentullachućh? Licaśhun VIDEUCTA ñatac limaśhun caypi:
-
¿Allpatawan chayćhu lluy cäcunaca süta muyunllachun lulaśha cayan, Bibliaca chaytachun yaćhachin?
-
Bibliaca nishannü, ¿am creinquichun Dios lluy lulaśhancuna rasunpachun?
Liguiśhun Génesis 1:1 ñatac limaśhun caypi:
-
Achca yaćhayniyü nunacuna nipäcun cielućhu allpaćhu cäcunaca allaycuyniyümi. ¿Chay tincunchun Génesis 1:1 nishanwan?
Waquin nunacuna nipäcun, Diosmi lulala mana licana uchuchá culucunallacta chaypïmi licalila quiquillanpi imapis cananpä. Liguiśhun Génesis 1:21, 25, 27 ñatac limaśhun caypi:
-
¿Bibliaćhu ninchun Dios lulala uchuchá mana licana culucunallacta, chaypïmi licalicula uywacunaman, nunacunaman chaypi’a lluy imacunamanñapis? ¿Quiquillanpichun licalicula o lluy Diospa licalichiśhanchun?
6. Dios nunacunallactam quiquintanü licalichila
Nunacunawan uywacunaca manam igualchu canchic. Liguiśhun Génesis 1:26 ñatac limaśhun caypi:
-
Nunacunaca yaćhanchic cuyacuyta, llaquipayta Diosnü lulaśha calmi. Chay, ¿imactam yaćhachiśhunqui Jehovapi?
WAQUINCUNA NIPÄCUN: “Lluy licaliśhacunaca Biblia nishan cuentucunallam”.
-
Am, ¿ima ninquim?
IMACTAM YAĆHALUNCHIC
Diosmi licalichila cielućhu allpaćhu lluy imapis cäcunata.
Yalpaśhun
-
Bibliaćhu nishannü, ¿imanuypam licalila cielućhupis, allpaćhupis lluy cäcunaca?
-
¿Dioschun lluy imacunactapis licalichila o quiquillanpichun licalicula?
-
¿Imaćhumi uywacunawan nunacunaca mana igualchu canchic?
MASTA YAĆHANAYQUIPÄ
Uywacunata Dios tuqui licalichiśhancunacta, yaćhanayquipä cay yaćhachicuycäta liguiy.
“¿Qué nos enseña la naturaleza?” (¡Despertad!, septiembre de 2006)
Licay imanuypam juc tayta yaćhachin chulinta lluy Dios licalichiśhanta.
Lluy imapis quiquillanpimi licalicula nishanca, Bibliaćhu nishanwan tincunchun, liguiy.
“¿Creó Dios los distintos tipos de seres vivos mediante la evolución?” (Artículo de jw.org)
Yaćhayniyü nunacuna lluy taliśhancuna quiquillanpichun licalicula o manachućh, chayta yaćhanayquipä cay yaćhachicuycäta liguiy.
El origen de la vida. Cinco cuestiones dignas de análisis (Folleto)
a 25 yaćhachicuycäćhu yaćhaśhun Dios imapämi licalichimalanchic.
