YAĆHACHICUY 25
¿Imanuy cawsacunanchictam Dios munan?
Bibliami willamanchic “nunacunäpa cawsaynin ash tiempullam, jinaman imaymana sasachacuyniyülämi canpis” (Job 14:1). ¿Dios chaynü cawsacunanchictachun munala? Manam. ¿Imanuy cawsacunanchictam Dios munan? ¿Imayllá cumplin’aćh Diospa munaśhan? Chaycunapïta yaćhaycuśhun.
1. ¿Imanuy cawsacunanchictam Dios munan?
Jehová allin cawsacunanchictam munan. Dios Adan Evacta licalilcachil, ćhulala juc sumä tuqui paraisumanmi. Chayćhumi nila: “Milapäcuy; cay jinantin pachäman milapäcuy. Jinal sumäpa licaycul munayllayquićhu cachipäcuy” (Génesis 1:28). Jehová munala wawin chulincuna canantam, enterun allpata paraisuman muyuchinanpä ñatac uywacunactapis allinta cuidananpä. Jehová munala carilla cushisha wiñay-wiñaypä cawsacunanchictam.
Masqui canan mana cushisha cawsaptinchicpis, a Jehová manam un’anchu ya’anchicpä munaśhancäta (Isaías 46:10, 11). Dios jinallam munayan cäsucunincuna wiñay-wiñaypä cushisha cawsacunanta (liguicuy Apocalipsis 21:3, 4).
2. ¿Imactam cananpi lulachwan cushisha cawsacunanchicpä?
Jehová licalichimalanchic payta adorananchicpämi ñatac cushisha cawsacunanchicpä (liguicuy Mateo 5:3-6). Dios munanmi payta cäsucunanchicta, cuyananchicta ñatac sirvinanchicta lluy śhun’unchicwan (Deuteronomio 10:12; Salmo 25:14). Jehovata adoraptinchic, masqui sasachacuyninchic captinpis cushisham cawsacuśhun.
MASTA YAĆHAYCUŚHUN
Yaćhaśhun Jehová allicta cuyamäśhanchicpï cay allpata ya’anchicpä licalichiśhampi ñatac imanuypa cushisha cawsacunanchicpä.
3. ¿Jehová munan cushisha cawsacunanchictam?
Licaśhun VIDEUCTA ñatac limaśhun caypi:
-
¿Imapäćha Jehová lulala sumä tuqui allpata?
Liguiśhun Eclesiastés 3:11 ñatac limaśhun caypi:
-
¿Imactam Jehová munan ya’anchicpä?
4. Jehová jinallam munayan cushisha cawsacunanchicta
Liguiśhun Salmo 37:11, 29 ñatac Isaías 55:11, ñatac limaśhun caypi:
-
Textucunaćhu nishannü, ¿jinallachun Jehová munayan cushisha cawsacunanchicta?
Pulumaśha wasi allichanallam. Chaynümi cay allpapis pulumaśhanü cayan pero Jehová allichalun’am śhamü tiempućhu cäsucü nunacunapä.
5. Diosta adorallalmi cushisha cawsacunchic
Śhamü tiempućhu allin cawsacunanchicta yaćhalculmi cushicunchic. Licaśhun VIDEUCTA ñatac limaśhun caypi:
-
Videućhu licaśhanchicnü, ¿imanuypam yanapala walmita Diospi yaćhaśhanca?
Liguiśhun Eclesiastés 12:13 ñatac limaśhun caypi:
-
Ya’anchicpä lluy imacunactapis Jehová lulaśhampï, ¿imactam lulananchic agradecicuypï?
WAQUINCUNA TAPUŚHUNQUIMANMI: “¿Imapïmi Dios lulamalanchic ñacacunanchicpä ñatac wañunanchicpä?” niptin.
-
¿Ima ninquimanmi?
IMACTAM YAĆHALUNCHIC
Jehová munanmi śhamü tiempućhu cushisha wiñay-wiñaypä cawsacunanchicta. Diosta cananpi adoraptinchic cushisham cawsacuśhun.
Yalpaśhun
-
Jehová Adan Evacta licalilcachil, ¿imanuy canantam munala?
-
¿Jinallachun Jehová munayan cushisha cawsacunanchicta?
-
¿Imanuypam cushisha cawsacuchwan?
MASTA YAĆHANAYQUIPÄ
Eden jardinca, ¿rasunpachun cala? Chayta yaćhanayquipä liguiy.
“El jardín de Edén, ¿una simple leyenda?” (La Atalaya, 1 de enero de 2011)
Cay allpaca, ¿chincan’achun o manachun? Chayta yaćhanayquipä liguiy.
Bibliaca nimanchicmi, imapä Dios lulamaśhanchicta, liguiy.
Juc rico hombrim mana cushishachu cala, canan’a cushisham cayan, chayta yaćhanayquipä licay videucta.
a Atïnin yaćhachicuycäćhu yaćhaśhun imapïmi mana cushishachu cawsanchic.
