Religiunniyü nunacuna nipäcun, Diosmanmi creepäcü, pero ¿imapïmi juyu caycunacta lulapäcun? Pantaśha religiuncuna calmi chayta lulapäcun. Casquicuyninwan mana allin lulayninwanmi Diosta pin’ayman julupäcun. ¿Imanuymi sienten Dios caycunacta lulaptin? ¿Imactam lulan’a Jehová paycunawan?

1. ¿Imanuypam Diosta pin’ayman julun yaćhachiśhancunawan?

Pantaśha religiuncunaca “rasuncäpïtá aśhwanpam artiman muyucalcälila” (Romanos 1:25). Chaymi Diospa śhutinta manam yaćhachicunchu. Pero Bibliaca nimanchic Diospa śhutinta limananchicpämi (Romanos 10:13, 14). Waquin religiuncunaćhu yaćhachïcunaca nipäcun alli ñacacuycuna captin Diospa castigunmi. Chay nishancuna yan’almi, Dios manam castigamanchicchu (liguicuy Santiago 1:13). Chay yaćhachicuynincunawanmi, nunacunaca Diospi manaña yaćhayta munapäculachu.

2. ¿Imacuna lulaśhancunawanmi Diosta pin’ayman julüla?

Pantaśha religiuncunaćhu cäcunaca manam Dios cuyaśhannüchu nunacunata cuyapäcun. Bibliami nin ‘juchancunamari cielücama ćhälun’ (Apocalipsis 18:5). Pantaśha religiuncunaca politicucunamanmi miticuyalcan, guerracunactam yanapapäcun ñatac achca nunacunactam wañuchipäcun. Waquin religiuncunaćhu pastorcunami iglesianćhu illay mañacuśhanwan alli ricu cawsayalcan. Paycuna manam Diosta śhun’unwanchu sirvipäcun (Liguicuy 1 Juan 4:8).

3. ¿Imanuymi Dios sienten pantaśha religiuncunapa lulaśhancunacta lical?

Pantaśha religiuncunapa juyu lulaynincuna piñachimanchicmi, mas rasunwanćhä Jehovata piñachin casquilcul yaćhachiśhancunawan ñatac payman aśhuycücunata ñacayachin. Chaymi Jehová paycunacta chincachiśhami niyan ñatac “manañamari imaypis licapäcuśhunquiñachu” (Apocalipsis 18:21). Prontuñamá chincachin’a pantaśha religiuncunata (Apocalipsis 18:8).

 MASTA YAĆHAYCUŚHUN

4. ¿Diospä allinchućh cayan llapan religiuncunaca?

Achca nunacunam nipäcun llapan religiuncunaca allinmi, chay nishancunaca, ¿rasunpachućh? Liguiśhun Mateo 7:13, 14, ñatac limaśhun caypi:

• Bibliaca nishannü, ¿imanuymi cawsayman puśhä caminuca?

Licaśhun VIDEUCTA ñatac limaśhun caypi:

• ¿Llapan religiuncunaca Diospä allinchućh cayan?

 6. Dios munayan pantaśha religiuncunapi yalucunanchictam

Liguiśhun Apocalipsis 18:4 a ñatac limaśhun caypi:

• Dios munayan librayta pantaśha religiuncunapi nunacunata, ¿am ima ninquim chaypi?

7. Jinallam yaćhanqui Jehová Diospi

Pantaśha religiuncunaca juyu lulaycunacta lulaluptinpis, Diospi yaćhayta ama caćhaycuychu. Cayman piensaycuy, juc walaśh taytanpa consejunta mana cäsucul, wasinpita licula ñatac manam allinchu cawsala. Chay pasaśhancunapi, ¿taytanpa juchanchun?

• Chayurá, ¿allinchun canman pantaśha religiuncunapa lulaśhancunapi Diosman juchachäpäcuptin, ñatac Diospi manaña yaćhay munaptin?

 IMACTAM YAĆHALUNCHIC

Pantaśha religiuncunaca Diospa śhutintam anlächila yaćhachicuynincunawan. Chay lulaśhancunapï prontuñam Dios chincachin’a.

Yalpaśhun

• Am, ¿ima ninquim pantaśha religiuncunaca yaćhachiśhampi?

• ¿Ima ninmi Jehová pantaśha religiuncunapi?

• ¿Imanalun’aćh Jehová pantaśha religiuncunata?