21 de abril de 2024 huatapimi Comité de Sucursalpi sirvij, huauqui Dean Jacekmi Mateo libro filipinas señas shimipi llujshishca librotaca shuj programa especialpi presentarca. Cai programataca Quezón llacta Sucursalpimi celebrarca, chaimanga 413 huauquipanicunami asistirca, shinallata 3 mil 998 shuj shuj llactacunamanda huauquipanicunami videoconferenciapi conectarishpa cai programata ricurca. Shinallata chai programaman rishca y conectarishca huauquipanicunaca, chai ratomi Mateo librotaca jw.org paginapi, shinallata JW Library Sign Language nishcamanda descargarca.

Filipinas llactapica, más o menos 500 mil gentecunami señas shimita parlan. Chaimi Quezón llactapi 1999 huatapimi por primera vez señas shimipi congregacionda callarichirca. Shinallata 2011 huatapimi, cai shimipi huaquin publicaciongunata traduci callarirca. Cunanbica más de 3 mil huauquipanicuna 72 congregaciongunapi y shinallata grupocunapi sirvinajun.

Bibliapa Mateo librotaca, Filipinas shimipi por primera vez completota traducishca. Sordo huauquiguca cashnami nirca: “Cai librota nara charishpaca huaquin versiculocunatallami ñucanchi idiomapi traducishcata charircanchi. Shina charinaca shuj jatun rompecabezashnami ñucanchicunapaca carca. Cunanga Mateo librotaca completotami charipanchi” nirca. Filipinas señas congregacionmanda shuj huauqui ancianoca cashnami nin: “Mateo libropi principiocunaca huauquipanicunata cuidangapaj, shinlliyachingapaca minishtirishcapachami can. Por ejemplo, Mateo 5:23,24​pica imapash problemacuna ñucanchi huauquipanicunahuan tiajpi o ricurijpica paicunahuan tranquilo ali causangapaj, ali tucuchunmi yachachin. Chaimandami Jehová Diostaca ninanda agradicini cai principiocunata ñucanchi idiomapi charishcamanda” ninmi.

Mateo librota Filipinas señas shimipi charishcamandami ninanda cushijunchi. Cai libro Taita Diospa shimica, ali shunguta charij gentecunata ayudanataca seguromi capanchi (Mateo 7:24, 25).